Śpiecpradstaŭnik Trampa Kit Kiełah nie bačyć Jeŭropy za stałom mirnych pieramoŭ
Śpiecpradstaŭnik prezidenta ZŠA pa pytańniach Ukrainy i Rasii Kit Kiełah na Vośmym ukrainskim łančy z nahody Miunchienskaj kanfierencyi pa biaśpiecy, arhanizavanym Fondam Viktara Pinčuka, vykazaŭsia pra toje, jak jon bačyć rolu Jeŭropy padčas pieramoŭ ab zakančeńni vajny va Ukrainie.
«Ja ščyra vam kažu, što budzie adbyvacca. My pahladzieli na prablemu «Minska-2». Tam było šmat ludziej za stałom i jany nie mieli nijakaj mahčymaści dałučycca da mirnaha pracesu — heta nie pryniesła pośpiechu. My nie budziem paŭtarać «Minsk», — zajaviŭ Kit Kiełah.
Tamu za hetym stałom «fizična» jon jeŭrapiejcaŭ uvohule nie bačyć. Źviartajučysia da pradstaŭnikoŭ Jeŭropy, amierykanski śpiecpradstaŭnik tak akreśliŭ ich ścipłuju rolu:
«Ci buduć usie vašyja intaresy ŭklučanyja ŭ hetyja abmierkavańni? Tak. Kali majecca na ŭvazie siadzieć fizična za stałom, to nie».
Jon padkreśliŭ, što novaja damova nie budzie «Minskam-2». Taksama, pa słovach Kiełaha, kazać pra jaje pośpiech možna budzie tady, kali stanie bačna, jakaja jana ŭ pracy.
«Płan, jak spynić Pucina i skončyć vajnu». Zialenski sustreŭsia ź vice-prezidentam ZŠA ŭ Miunchienie
Vens zajaviŭ, što jahonyja słovy pierakrucili — jon nie dapuskaje mahčymaści adpraŭki amierykanskich vojskaŭ va Ukrainu
ZŠA dali zrazumieć Ukrainie, što hatovyja raźmiaścić u krainie vojski ŭ abmien na dostup da 50% jaje karysnych vykapniaŭ
Bicepsy Ivana Kraŭcova ździvili sacsietki. Jon raskazaŭ, jak trymaje siabie ŭ spartyŭnaj formie26
Bicepsy Ivana Kraŭcova ździvili sacsietki. Jon raskazaŭ, jak trymaje siabie ŭ spartyŭnaj formie
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary
va Ukrainie