Śpiecsłužby Łatvii: ustupleńnie Biełarusi ŭ vajnu suprać Ukrainy małavierahodnaje
Łatvijskaje Biuro pa abaronie Kanstytucyi apublikavała štohadovuju spravazdaču. Adzin z raździełaŭ dakumienta pryśviečany Biełarusi.
Biuro pa abaronie Kanstytucyi Łatvii ličyć małavierahodnym ustupleńnie Biełarusi ŭ vajnu suprać Ukrainy ŭ ahladnaj budučyni.
Pra heta havorycca ŭ štohadovaj spravazdačy śpiecsłužby. Adzin z raździełaŭ dakumienta pryśviečany ŭnutranaj i źniešniaj palitycy Biełarusi. Biuro kanstatuje ŭstojlivaść režymu Łukašenki, jakaja dasiahnutaja za košt masavych represij, tatalnaj cenzury ŚMI i začystki palityčnaha pola.
Pry hetym łatvijskija śpiecsłužby adznačajuć uzmacnieńnie zaležnaści Biełarusi ad Rasii, u tym liku praz pahłybleńnie intehracyi ŭ ramkach «sajuznaj dziaržavy». Padtrymka Kramla źjaŭlajecca adnym sa stabilizacyjnych faktaraŭ dla ŭłady Łukašenki, adznačajecca ŭ spravazdačy.
Niahledziačy na ŭzmacnieńnie zaležnaści ad Maskvy, Biełaruś u najbližejšaj budučyni nie ŭstupić u vajnu suprać Ukrainy, ličać u Biuro.
«Małavierahodna, što ŭ ahladnaj budučyni Biełaruś niepasredna ŭmiašajecca ŭ vajnu Rasii suprać Ukrainy, pakolki heta moža surjozna pahražać unutranaj stabilnaści krainy i pazicyjam Łukašenki. Asabliva ŭličvajučy pieravažnaje ŭ hramadstvie mierkavańnie suprać pramoha vajskovaha ŭdziełu Biełarusi ŭ kanflikcie», — havorycca ŭ spravazdačy.
Łatvijskija śpiecsłužby prahnazujuć, što Łukašenka budzie šukać sposaby vychadu ź izalacyi i ŭstalavańnia adnosin z Zachadam, kab stvaryć supraćvahu rasijskamu ŭpłyvu.
Zialenski choča, kab raździalalnaja linija ŭ Jeŭropie prajšła pa ŭschodniaj miažy Ukrainy i Biełarusi
Zialenski: Pucin razhladaje Biełaruś jak rehijon Rasii
Rasija sioleta pasprabuje ŭciahnuć Biełaruś u vajnu? Jak usprymać zajavu Zialenskaha
Zialenski: Rasija sioleta budzie sprabavać niepasredna ŭciahnuć Biełaruś u vajnu
Suśvietnaja zorka Džejsan Deruła zajechaŭ u Biełaruś. Premjer Turčyn vadziŭ jaho pa Domie ŭrada8
Kamientary