Kiraŭnik Pientahona zahadaŭ padrychtavać płan štohadovaha skaračeńnia abaronnaha biudžetu ZŠA na 8% ciaham piaci hadoŭ
Ministr abarony ZŠA Pit Chiehsiet zahadaŭ kiraŭnictvu Pientahona i ŭzbrojenych sił raspracavać płany štohadovaha skaračeńnia abaronnaha biudžetu na 8% na praciahu nastupnych piaci hadoŭ. Pra heta paviedamiła hazieta The Washington Post sa spasyłkaj na miemarandum Hiehsieta i čynoŭnikaŭ, znajomych z pytańniem.
U miemarandumie Chiehsiet prosić padrychtavać varyjanty skaračeńniaŭ vydatkaŭ Pientahona da 24 lutaha i pryvodzić śpis z 17 katehoryj, jakija administracyja Trampa choča vyklučyć ź biudžetu.
«Siarod ich — apieracyi na paŭdniovaj miažy ZŠA, madernizacyja jadziernaj zbroi i supraćrakietnaj abarony, a taksama nabyćcio bieśpiłotnikaŭ adnabakovaha dziejańnia i inšych bojeprypasaŭ», — havorycca ŭ paviedamleńni.
Adznačajecca, što hetyja miery źjaŭlajucca častkaj stratehii administracyi Trampa pa źnižeńni vajennych vydatkaŭ na praciahu nastupnych piaci hadoŭ.
Skaračeńnie biudžetu na 8 pracentaŭ štohod na praciahu piaci hadoŭ aznačaje, što za hety pieryjad jon pavinien źmienšycca na prykładna 34%. Heta stanie samym vialikim skaračeńniem z 2013 hoda.
Jak adznačaje The Washington Post, u Kanhresie isnuje šyroki kansensus adnosna taho, što značnyja abaronnyja vydatki nieabchodnyja dla strymlivańnia pahrozaŭ, u pryvatnaści z boku Kitaja i Rasii.
Biudžet Pientahona na 2025 hod składaje kala 850 miljardaŭ dołaraŭ.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram26
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary