Niekatoryja biełarusy ŭžo sioleta pačnuć atrymlivać «druhuju piensiju»
Ministarka pracy i sacyjalnaj abarony Natalla Paŭlučenka raskazała, kali biełarusy pačnuć atrymlivać tak zvanuju «druhuju piensiju». Havorka pra zapuščany paralelna z najaŭnaj piensijnaj sistemaj miechanizm dobraachvotnaha strachavańnia dadatkovaj nazapašvalnaj piensii pa formule» 3+3»: kali i najmalnik, i pracaŭnik adličvajuć pa 3% ad naličanaj rabotniku zarpłaty na jaho asabisty rachunak u strachavoj kampanii.
«Što vielmi važna — 47 čałaviek užo pačnuć u biahučym hodzie, u druhim paŭhodździ, atrymlivać dadatkovuju piensiju dziakujučy hetaj sistemie. Tamu na kankretnych prykładach, na kankretnych ludziach, na žyvych historyjach my pakažam, jak hetaja sistema pracuje i jak jana budzie raźvivacca», — skazała Paŭlučenka.
Pa słovach čynoŭnicy, na siońnia zaklučana bolš za 46 tys. damoŭ:
«Ale dla nas hetaja płanka minimalnaja. My razumiejem, što treba ruchacca dalej i raźvivać novyja formy. Razumiejem, što treba pracavać pa peŭnych fokus-hrupach, z tymi, chto byŭ zacikaŭleny ŭ strachavańni».
Kamientary