U Rasii hrupa vajskoŭcaŭ admaŭlajecca vajavać va Ukrainie. Ich adpraŭlajuć na front siłkom
Bolš za 100 vajskoŭcaŭ rasijskaj armii, jakija admovilisia vajavać, 28 lutaha hvałtoŭna pasadzili ŭ aŭtobusy i dastavili z vajskovaj kamiendatury ŭ Čabarkuli Čalabinskaj vobłaści ŭ Jekaciarynburh, piša Astra. Tam mužčyn raźmiaścili ŭ pałatačnym haradku za 20 kiłamietraŭ ad miascovaha aeraporta «Kalcova».
Mužčyny zapatrabavali dać im mahčymaść napisać raparty ab admovie praciahvać słužbu i sprabavali vyklikać na miesca śledčych. Zamiest hetaha ich pasprabavali siłkom pasadzić u samalot, kab adpravić u Rastoŭ-na-Donie, a zatym va Ukrainu, ale vajskoŭcy «zładzili bunt». Pra heta Astra raskazali adzin z vajskoŭcaŭ, maci inšaha vajskoŭca, jaho siabar i siabroŭka, a taksama vajskoŭcy na videa, jakija jość u rasparadžeńni Astra.
Na videa čutnyja kryki i łajanka vajskoŭcaŭ z vajskovaj palicyjaj, chtości z vajskoŭcaŭ prapanuje «ŭskryvać vieny» i patrabuje vyklikać chutkuju. Kadry zapisanyja 28 lutaha.
Mužčyny, jakich hvałtoŭna sprabavali adpravić na vajnu, naležać da roznych vajskovych čaściej. Jany byli dastaŭlenyja ŭ Čabarkul na čas papiaredniaha śledstva i suda, jak «vajskoŭcy, u dziejańniach jakich uhledžvajucca prykmiety złačynstva, praduhledžanaha art. 337 KK RF «Samavolnaje pakidańnie častki)», vynikaje z vypiski z zahadu načalnika Čabarkulskoho miascovaha harnizona, jakaja jość u rasparadžeńni Astra.
Siarod ich jość jak mabilizavanyja, tak i dobraachvotniki. Mnohija pierasoŭvajucca na mylicach abo majuć inšyja prablemy sa zdaroŭjem.
«My prosim, kab nas asudzili, ale nichto nie daje takoj mahčymaści nam. […] My prosim nas padtrymać, my nie chočam prosta pamirać. U kahości dzieci, u nas invalidy tut, usie paranienyja, chvoryja. […] Heta «biespriedieł», — zajaŭlali vajskoŭcy na videa, jakoje było zapisana ŭviečary 28 lutaha.
28 lutaha a 23-j hadzinie pa jekaciarynburhskim časie na zapłanavany rejs da Rastova-na-Donie mužčyn pasadzić tak i nie zmahli, jany źnikli z suviazi. 1 sakavika da abiedu vajskoŭcy vyjšli na suviaź i paviedamili, što ranicaj ich hvałtoŭna pasadzili ŭ samalot da Rastova, a zatym u aŭtobusy da Łuhanska.
«Vajskovaja palicyja, ich było štuk z 20 čałaviek, usie ŭzbrojenyja — prymusili pajści na bort. Padmanuli, skazali, što na borcie samalota stajać aficery i možna budzie ź imi pahavaryć, ale ŭ vyniku tam nikoha nie było. Ciapier užo my prylacieli ŭ Rastoŭ i nas na aŭtobusach viazuć u Łuhansk. Navat nie dali vady. Nie dazvalajuć zajechać u kramu, nas kala 150 čałaviek. My druhija sutki nie jeli.
Telefony pakul što nie zabirajuć, pahladzim što dalej budzie. Skazali, tam možna budzie napisać rapart na admovu ad vajskovaj słužby. I na miescy nibyta buduć śledčyja. Mnohija zhodnyja pisać admovu. Lepš jechać u turmu», — skazaŭ Astra adzin z vajskoŭcaŭ.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary