Hramadstva99

«Ryhor, para vyznačacca. Treba ci kryžyk źniać, ci štany nadzieć» — pravasłaŭny śviatar źviarnuŭsia da Azaronka

Śviatar biełaruskaha pravasłaŭnaha prychoda ŭ Vilni Alaksandr Kuchta ŭ novym vypusku TOKu raskazaŭ svajo mierkavańnie, navošta prapahandyst Ryhor Azaronak trymaje na stale abrazy i ci dapamohuć jany jamu.

 Grigory Azarenko Alexander Kukhta Hrihorij Azarionak Aleksandr Kuchta Ryhor Azaronak Alaksandr Kuchta
Ryhor Azaronak i Alaksandr Kuchta. Skryn videa: sobchak / YouTube; TOK_talk / YouTube

Zvyčka trymać u svajoj pracoŭnaj prastory pravasłaŭnyja abrazy, na pohlad śviatara Alaksandra Kuchty, dastatkova raspaŭsiudžanaja źjava siarod čynoŭnikaŭ i siłavikoŭ. Tamu jon nie ździŭlajecca, što i na stale prapahandysta Ryhora Azaronka jany prysutničajuć.

«Jon nie adzin taki. Tamu što, nakolki ja razumieju, čałaviek — heta istota, jakaja kali čynić zło, usio adno niešta jaho ŭsiaredzinie točyć. I chočacca zaklučyć niejkuju maleńkuju damovu z Boham: «Hospadzie, a davaj ja tut abkładusia ŭsiakimi roznymi amulecikami, pračytaju ŭsie nieabchodnyja malitvy, pastaŭlu pravilna śviečki, pasłuchaju pravilnaha ideałahična viernaha baciušku, jaki supakoić majo sumleńnie i budu siabie adčuvać dobra». Ale ŭsio roŭna niešta troški padtočvaje», — davodzić Kuchta.

Śviatar apisvaje supiarečlivaść pamiž vonkavaj pabožnaściu i ŭnutranaj maralnaj pustatoj pradstaŭnikoŭ ułady i siłavych struktur u Biełarusi i Rasii. Jon zaŭvažaje, što ŭ kabinietach čynoŭnikaŭ i siłavikoŭ možna ŭbačyć ikony i relihijnyja knihi, chacia hetyja ludzi padtrymlivajuć i ździajśniajuć žorstkija, antyčałaviečyja i antychryścijanskija dziejańni. Aŭtar vykazvaje dumku, što relihija dla hetych ludziej — nie sapraŭdnaja duchoŭnaja kaštoŭnaść, a chutčej instrumient, kab zahłušyć ułasnaje sumleńnie:

@tokbelarus Obraŝienije śviaŝieńnika k Hrihoriju Azarienku #biełaruś #novostibiełarusi #našaniva #biełaruś #minsksiejčas #mova ♬ suara asli - Fast Lane 5

«Hetyja ludzi čamuści chodziać u carkvu, čamuści chryściać svaich dziaciej. Chiba što dla taho, kab voś hetuju dziračku niejak zatknuć i zakryć, i chiba što niejak ablehčyć svoj bol».

U svaju čarhu, sistema, na dumku śviatara, nie tolki cynična vykarystoŭvaje carkvu dla padtrymańnia svajoj lehitymnaści, ale i dla taho, kab «zakryvać voś hetyja dzirački, ź jakich pratočvajecca sumleńnie, kab sumleńnie nie pieraškadžała žyć».

Što tyčycca niepasredna Azaronka, to śviatar zaŭvažaje, što, na jaho pohlad, u prapahandysta zastałosia niešta čałaviečaje, što jon jašče moža ŭśviadomić svaju pamyłkovaść i źmianicca:

«Nakolki ja viedaju, jon taksama nazyvaje siabie vierujučym chryścijaninam, za pravasłaŭje sprabuje tapić, pry hetym druhoju rukoju niasie absalutna antyčałaviečyja, absalutna antychryścijanskija rečy, jakija niesumiaščalnyja ni z čym, što možna choć niejak apisać prystojnymi słovami. Mnie padajecca, što jon nie ŭsio zhubiŭ».

Na kamieru Alaksandr Kuchta źviarnuŭsia da Ryhora Azaronka:

«Ryhor, para vyznačacca. Tut treba ci kryžyk źniać ci štany nadzieć. A voś usiedzieć na dvuch kresłach, i na jełku zaleźci, i kałhotki nie parvać nie ŭdasca. Usio ž taki z Boham tak nie pracuje. Tak što vyrašajcie».

Kamientary9

  • Abu
    09.03.2025
    Ktułchu jaho pabiary!
  • Answer
    09.03.2025
    RPC - Cierkov́ Satany
  • Anatol Starkou
    09.03.2025
    [Red. vydalena]

Ciapier čytajuć

«U nas usie razmaŭlajuć na ruskaj movie». Dziciačy centr nie ŭziaŭ na pracu žančynu, bo jana razmaŭlaje pa-biełarusku

«U nas usie razmaŭlajuć na ruskaj movie». Dziciačy centr nie ŭziaŭ na pracu žančynu, bo jana razmaŭlaje pa-biełarusku

Usie naviny →
Usie naviny

Drony atakavali najbujniejšy parachavy zavod u Rasii1

Byłoha ŭčastkovaha z Hancavičaŭ asudzili pa palityčnaj kryminałcy1

Stralanina ŭ aŭstryjskim Hracy: horad šakavany napadam na škołu i pahruziŭsia ŭ žałobu2

Kamandujučym NATA staŭ hienierał Hrynkievič. Uražvaje, nakolki jon padobny da niekatorych Hrynkievičaŭ, jakija žyvuć u Biełarusi21

Pry atacy šachiedaŭ na Charkaŭ zahinuli dva čałavieki, siarod paciarpiełych — dzieci

«Zastajecca raŭci jak białuha». Ryžankoŭ u Maskvie raskazaŭ pra poŭny krach krain Bałtyi28

U Biełarusi raście kolkaść fiermierskich haspadarak. Čym jany zajmajucca?

U pieršym matčy na novym futbolnym stadyjonie biełaruskaja zbornaja ŭčystuju prajhrała Rasii4

U śviecie isnuje tolki adna kraina, zdolnaja całkam zabiaśpiečvać siabie ježaj4

bolš čytanych navin
bolš łajkanych navin

«U nas usie razmaŭlajuć na ruskaj movie». Dziciačy centr nie ŭziaŭ na pracu žančynu, bo jana razmaŭlaje pa-biełarusku

«U nas usie razmaŭlajuć na ruskaj movie». Dziciačy centr nie ŭziaŭ na pracu žančynu, bo jana razmaŭlaje pa-biełarusku

Hałoŭnaje
Usie naviny →

Zaŭvaha:

 

 

 

 

Zakryć Paviedamić