Biełaruski fiermier pakazaŭ, jak trymieram rychtuje kłubnicy da siezonu — miljony prahladaŭ
Siarhiej ź Pinska vyroščvaje jahady ŭ kamiercyjnych maštabach — jon padzialiŭsia łajfchakam.
Dniami fiermier vykłaŭ u tyktoku videa, na jakim jon «kosić» kłubnicy bienzinavaj hazonakasiłkaj ź niestandartnymi nasadkami. Tak jon prybiraje staroje liście i pasynki. Sami kłubnicy nakryty plonkaj, tamu ad takoj apracoŭki sadžancy nie cierpiać. Paśla sčyščanaje liście fiermier prybiraje hrablami.
Za niekalki dzion videa nabrała amal 4 miljony prahladaŭ i bolš za 400 kamientaryjaŭ.
Admysłovuju ščotku dla kłubnic fiermier zrabiŭ ułasnaručna. Dla hetaha jon raśpiłavaŭ zvyčajnuju ščotku na try častki, a potym prykruciŭ ich da žaleznaj nasadki na trymier, jakaja zvyčajna pradajecca ŭ kamplekcie z hazonakasiłkaj.
Mnohija karystalniki źviartajucca da fiermiera pa parady. Naprykład, kali pačynać pieršuju padkormku. «Pry tempieratury hruntu ad 13 hradusaŭ i vyšej, bo fosfar nie zasvojvajecca pry nizkaj tempieratury», — piša Siarhiej.
Kahości cikavić, ci pačynać abrazać kłubnicy ŭ Mahilovie, dzie na vychodnych čakajecca da minus 5 hradusaŭ. «Pačakajcie, pierastrachujciesia. Paśla marazoŭ i pačniacie», — raić fiermier.
Pad rolikami niamała kamientaryjaŭ na ŭkrainskaj movie. Sočać za dośviedam pinskaha fiermiera i inšyja zamiežniki.
«Supper ideja», — napisała kamientatarka z Łatvii.
«Oni to mają pomysły», — napisali z Polščy.
Pieršyja videa pra vyroščvańnie jahad (aproč kłubnic, Siarhiej zajmajecca ažynami i malinaj) fiermier pačaŭ publikavać u lutym 2024 hoda. Jon dzielicca, čym padkormlivaje jahady, jak abrazaje i palivaje. Ciapier jon maje ŭ tyktoku amal 21 tysiaču padpisčykaŭ.
Raźviedka ZŠA: Biełaruś stała pieradavym vajskovym płacdarmam Rasii24
Kamientary