Vasileŭskaja pachvaliłasia, što ŭ «Biełavii» źjaŭlajucca novyja rejsy, bo ź joj na arbicie byŭ płastykavy samalocik
Pieršaja biełaruskaja kaśmičnaja turystka Maryna Vasileŭskaja raskazała, jak źmianiłasia jejnaje žyćcio praz hod paśla palotu na Mižnarodnuju kaśmičnuju stancyju.
Videa z Vasileŭskaj źjaviłasia ŭ telehram-kanale avijakampanii «Biełavija», dzie jana raniej pracavała bortpravadnicaj.
Kaśmičnaja turystka raskazała, što za apošni hod jejnaje žyćcio stała «bolš nasyčanym i plonnym». Jana ciapier pracuje ŭ «Fondzie miru» i zajmajecca humanitarnaj i sacyjalnaj dziejnaściu.
Byłyja kalehi spytali Vasileŭskuju, ci sačyła jana za navinami «Biełavii». Hierainia Biełarusi adkazała, što jaje ciešyć adkryćcio rejsaŭ z rehijanalnych aeraportaŭ. Heta, pa słovach Vasileŭskaj, adbyvajecca dziakujučy tamu, što ź joj u kosmasie pabyvaŭ makiet samalota biełaruskaj avijakampanii.
Nahadajem, što raniej žurnalisty vyśvietlili, dzie ciapier pracaŭładkavanaja Maryna Vasileŭskaja. Dva samyja śviežyja zapisy — hramadskaje abjadnańnie «Biełaruski fond miru» i TAA «EkaPramPanel». Da abiedźviuch arhanizacyj Vasileŭskaja dałučyłasia ŭ žniŭni 2024 hoda.
U «Fondzie miru» jaje pasada aficyjna nazyvajecca tak: namieśnica staršyni praŭleńnia pa humanitarnym supracoŭnictvie i hramadskaj dziejnaści Biełaruskaha fondu miru.
A voś pra pracu ŭ kamiercyjnaj arhanizacyi Vasileŭskaja paličyła za lepšaje nie paviedamlać publična.
Cikava, što ŭ «EkaPramPaneli» i «Biełaruskim fondzie miru» adnolkava zavuć kiraŭnika — Maksim Uładzimiravič Miśko.
-
Litoŭski deputat paskardziŭsia ŭ prakuraturu na Siarhieja Cichanoŭskaha
-
Pasažyrka «nie ŭkłałasia ŭ tajminh» padčas sanitarnaha prypynku — mižnarodny aŭtobus źjechaŭ bieź jaje
-
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu
Ciapier čytajuć
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu29
Kamientary