«Siadzieŭ siem razoŭ za kradziažy». Kałarytny biełarus trapiŭ va ŭkrainski pałon, pavajavaŭšy tydzień
Hramadzianin Biełarusi Rusłan Šusta zdaŭsia va ŭkrainski pałon kala Tarecka. Mužčyna raskazaŭ, što trapiŭ na front z rasijskaj zony, dzie jon u siomy raz siadzieŭ za kradziažy.
Videa z pałonnym źjaviłasia ŭ telehram-kanale ŭkrainskaha žurnalista Andreja Caplijenki. U roliku biełarus nazyvaje svajo poŭnaje imia — Rusłan Stanisłavavič Šusta, a taksama datu naradžeńnia — 12 studzienia 1981-ha.
Rusłan raskazvaje pra niachitry šlach, jakim jon trapiŭ na front:
«Siadzieŭ siem razoŭ za kradziažy. Z kałonii mianie zabrali, pryvieźli siudy. Spačatku ŭ Varoniež, potym u Rastoŭ-na-Donie, potym na Šachty, Horłaŭku. I z Horłaŭki my trapili da niejkaj vioski va Ukrainie».
Biełarus udakładniaje, što jon pryjechaŭ «u bok Ukrainy» tolki siem dzion tamu. Vajavaŭ Rusłan u 103-m pałku, numar dyvizii nie pamiataje. «Vioskaj» jon nazyvaje ŭkrainski horad Tareck, za jaki ciapier iduć bai.
Pavodle słoŭ Rusłana, jaho padraździaleńnie atrymała zadaču «dajści da kanca Tarecka». Nazad, kaža biełarus, darohi nie było — tam prystrelili b svaje, pra što i było skazana šturmavikam.
«Naša Niva» — bastyjon biełaruščyny
PADTRYMAĆ
Ciapier čytajuć
Łukašenka patłumačyŭ, čamu jaho nie vidać pa sieradach i subotach10
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary