Na restaŭracyju kaścioła ŭ Niaśvižy nakirujuć 10 miljonaŭ dalaraŭ
U kaściole Božaha Cieła ŭ Niaśvižy idzie restaŭracyja. Zaraz zakančvajecca pracedura vybaru padradčyka dla 4-j čarhi rekanstrukcyi hetaha katalickaha chrama, piša katolik.life.
Kaścioł u Niaśvižy 1593 hoda pabudovy źjaŭlajecca historyka-kulturnaj kaštoŭnaściu. Heta adziny relihijny abjekt Biełarusi, jaki znachodzicca ŭ śpisie Suśvietnaj spadčyny JUNIESKA. Chram viadomy jak druhi ŭ śviecie i pieršy va Uschodniaj Jeŭropie kaścioł u styli rańniaha baroka.
Da hetaha na praciahu 13 hadoŭ pravodziłasia restaŭracyja fasadaŭ chrama, jakaja zaviaršyłasia ŭ 2023 hodzie. U krasaviku 2025 hoda pačnucca padrychtoŭčyja raboty pa restaŭracyi interjeraŭ. Što mienavita zrobiać, u kolki abyducca pracy i jak doŭha jany praciahnucca, ci zakryjuć kaścioł dla parafii i turystaŭ — pryvodzim samaje hałoŭnaje z dakumientacyi abvieščanaha tenderu.
Budaŭničym prajektam praduhledžany restaŭracyja žyvapisu malelnaj zały, babinca, preśbiteryja, pamiaškańnia pravaj sakrystyi va ŭzroŭni pieršaha paviercha, choraŭ, ścien leśvicy pravaj sakrystyi va ŭzroŭni druhoha paviercha, restaŭracyja ałtaroŭ, ambona, adnaŭleńnie lustraŭ, spaviadalni, łavak i inšyja pracy. Adznačajecca, što hety prajekt źjaŭlajecca tolki pačatkovym etapam navukovaj restaŭracyi interjeraŭ.
Ahulnaja praciahłaść rabot składzie 66 miesiacaŭ — piać z pałovaj hadoŭ. Raboty płanujecca pačać užo ŭ krasaviku 2025 hoda, jany praciahnucca da kanca 2030 hoda.
Na restaŭracyju budzie vydzielena amal 34 młn rubloŭ — heta bolš za 10 młn dalaraŭ pa ciapierašnim kursie. Limit finansavańnia na 2025 hod składaje 1 młn 330 tys. rubloŭ.
Niahledziačy na maštabnyja pracy, chram nie płanujecca całkam zakryvać dla parafii — a tolki dla turystaŭ.
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy35
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary