Mišel Abama prakamientavała niadaŭniuju adsutnaść na palityčnych mierapryjemstvach i čutki pra razvod
Havoračy pra svajo žyćcio za miežami Biełaha doma na praciahu vaśmi hadoŭ z dvuma darosłymi dziećmi, Mišel Abama raskazała ŭ padkaście Work in Progress, što ciapier jana maje mahčymaść kiravać svaim ułasnym kalendarom i moža rabić «vybar dla siabie».
U apošni čas staŭ zaŭvažny niaŭdzieł byłoj pieršaj łedzi ŭ roznych kalapalityčnych mierapryjemstvach.
Mišel Abama, u liku inšaha, prapuściła cyrymoniju inaŭhuracyi prezidenta Donalda Trampa, a taksama dziaržaŭnyja pachavańni byłoha prezidenta ZŠA Džymi Kartera ŭ studzieni hetaha hoda.
Źjavilisia čutki pra razvod z byłym prezidentam ZŠA.
Mišel Abama abvierhła čutki pra mahčymy razvod z byłym prezidentam Barakam Abamam.
Jana patłumačyła, što jaje rašeńnie nie prysutničać na hetych padziejach było źviazana z žadańniem pryśviacić čas sabie, i heta nie śviedčyć pra prablemy ŭ šlubie.
«Ciapier u mianie jość ułasny kalandar, i mienavita hetym ja i zajmałasia sioleta. Heta byŭ sapraŭdy jaskravy prykład taho, jak ja sama baču toje, što pavinna zrabić, — razumiejecie, nie naviešvajučy niejkich jarłykoŭ. Ja vyrašyła rabić toje, što lepš dla mianie samoj, a nie toje, što ja pavinna rabić, nie toje, što, jak ja dumała, inšyja ludzi čakajuć ad mianie», — raspaviała pra źmieny Mišel Abama.
Jana dadała, što spačatku adčuvała pačućcio viny, kali kazała «nie» i admaŭlałasia ad niekatorych abaviazkaŭ, jakija čakali ad jaje, jak ad byłoj pieršaj łedzi.
«Heta toje, z čym my, žančyny, sutykajemsia — strach rasčaravać ludziej. Nastolki, što sioleta ludzi nie mahli navat ujavić, što ja prymaju rašeńnie dla siabie, i tamu vyrašyli, što my z mužam razvodzimsia», — skazała Mišel.
Jana padkreśliła, što paśla sychodu ź Biełaha doma i staleńnia dačok jana atrymała mahčymaść prymać rašeńni samastojna: «Heta pieršy raz u maim žyćci, kali ŭsie maje rašeńni prymajucca mnoj samoj».
Mišel taksama źviarnuła ŭvahu na toje, što hramadstva časta niehatyŭna ŭsprymaje, kali žančyny dziejničajuć niezaležna:
«Kali heta nie adpaviadaje stereatypam taho, što ludzi ličać, što my pavinny rabić, heta atrymlivaje niehatyŭnuju i žachlivuju acenku».
Raniej Barak Abama pryznaŭ, što jaho prezidenctva akazała ŭpłyŭ na ich šlub, što jon znachodzicca ŭ «hłybokaj zapazyčanaści pierad svajoj žonkaj» i sprabuje heta vypravić, pravodziačy ź joj bolš času.
U studzieni i sam były prezident vymušany byŭ abviarhać čutki pra razvod z žonkaj.
Cichanoŭski raskazaŭ, što treba było rabić u žniŭni 2020-ha63
Kamientary