U 44 hady pamierła siastra biełaruskaha zahinułaha dobraachvotnika Vasila Parfiankova
Alesiu Parfiankovu kidali na Akreścina — za fakt svajactva z kalinoŭcam.
Žančyna chvareła na rak piečani. Lačyłasia jana doma — admaŭlałasia ad stacyjanaru, raskazaŭ jaje svajak «Našaj Nivie».
«Kazała, nie, usio narmalna, apieracyju rabić nie treba. Jana prosta nikoha nie chacieła zasmučvać. Zaŭsiody, kali ja telefanavaŭ, kali jana jašče zdymała trubku, jana ŭśmichałasia, była dobraja, viasiołaja», — uspomniŭ jon.
Na minułym tydni Parfiankovaj spatrebiłasia chutkaja miedycynskaja dapamoha. 10 krasavika žančyna pamierła ŭ Minskaj haradskoj kliničnaj balnicy №2.
12 krasavika jaje pachavali na Zachodnich mohiłkach u Minsku.
U 2022 hodzie siastru i maci Vasila Parfiankova zatrymlivali paśla vobšuku ŭ kvatery. Tady ich asudzili da 10 sutak administracyjnaha aryštu.
Sa słoŭ minčanki, jakaja była razam ź imi ŭ izalatary na Akreścina, ich abvinavacili ŭ «niepadparadkavańni supracoŭnikam milicyi i ŭ tym, što jany niby napali na tych, chto ich zatrymlivaŭ».
Vasil Parfiankoŭ — były biełaruski palitviazień, udzielničaŭ u Płoščy-2010. Byŭ abvinavačany va ŭdziele ŭ masavych biesparadkach, asudžany na 4 hady pazbaŭleńnia voli, ale praź niekatory čas pamiłavany Łukašenkam. U 2014 hodzie biełarus vajavaŭ na Danbasie na baku ŭkraincaŭ, atrymaŭ hramadzianstva, słužyŭ u armii.
Mierkavana jon zahinuŭ 26 červienia 2022 hoda kala Lisičanska Łuhanskaj vobłaści. Parfiankoŭ byŭ razam ź inšymi biełarusami z Pałka imia Kastusia Kalinoŭskaha na zadańni — dapamahaŭ ukrainskim sałdatam vyjści z horada.
Žonka zahinułaha va Ukrainie biełarusa-dobraachvotnika Vasila Parfiankova pajšła na vajskovuju słužbu
«Jon byŭ maim kachańniem na ŭsio žyćcio». Vialikaje intervju z udavoj bajca Vasila Parfiankova
Siłaviki praciahvajuć teraryzavać svajakoŭ biełaruskaha dobraachvotnika, jaki zahinuŭ va Ukrainie
«Na sudzie jany płakali i havaryli, kab im nie šyli toje, čaho nie było». Stali viadomyja akaličnaści suda nad maci i siastroj Parfiankova
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»18
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary