Hramadstva2020

Siastra Hanny Siałuk: Amieryka i «Jeŭrabačańnie» nam nie patrebnyja, jość rynak Rasii i Kazachstana

Namieśnica dyrektara «Muzyčnaj miedyjakampanii» Taćciana Kułakova (jana ž siastra niaviestki Alaksandra Łukašenki) raskazała, jak bačyć biełaruskuju muzyčnuju industryju.

Taćciana Kułakova Tatiana Kulakova Taťjana Kułakova
Taćciana Kułakova. Skryn videa: ont_by / YouTube

Namieśnica dyrektara «Muzyčnaj miedyjakampanii» Taćciana Kułakova — rodnaja siastra Hanny Łukašenki, jakaja piša pieśni pad psieŭdanimam Hanna Siałuk. Pa infarmacyi «Biuro», hety pradziusarski centr naležyć Pałacu Respubliki Upraŭleńnia spravami Łukašenki (30%) i pryvatnaj kampanii «ANSŁ pradakšn» (70%). ANSŁ nahadvaje skaročanyja inicyjały Hanny Siarhiejeŭny Łukašenki (tolki pa-rusku). Ale sama jana supracoŭnicaj u «Muzyčnaj miedyjakampanii» nie značycca i nijakaha prybytku ad jaje nibyta nie atrymlivaje.

U efiry ANT Kułakova raskazała, jak uźnikła ideja stvaryć pradziusarski centr. Pa jaje słovach, usio pačałosia paśla 2020 hoda, kali jana i inšyja kalehi nieaficyjna dapamahali biełaruskim artystam z raskrutkaj, arhanizacyjaj kancertaŭ, ale praca stała surjoznaj, i pryjšłosia aformić heta jak biznes:

«Prosta ŭ nas atrymałasia tak, što paśla 2020 hoda mnohim našym artystam davali niejkija kansultacyi pa prasoŭvańni, pa niejkich krokach u raskrutcy, dapamahali ŭ arhanizacyi kancertnaj dziejnaści, dapamahali ŭ arhanizacyi padboru repiertuaru, naładžvańni ŭzajemaadnosin z presaj. I heta niejak usio adno za adnym, i atrymałasia, što ty nie možaš skazać «ja dyrektar artysta». Nu chto ty taki? To-bok, niama niejkaj jurydyčnaj padaploki. I tamu była stvorana muzyčnaja miedyjakampanija».

Kułakova zapeŭnivaje, što ciapier muzyčnaja industryja Biełarusi «na ŭzdymie, u jakim jana nie była na praciahu mnohich hadoŭ».

Pa jaje słovach, raniej «ludzi prosta hadami śpiavali adnu i tuju ž pieśniu, i heta było niecikava», ciapier ža «artysty ŭsie vielmi vysokaha ŭzroŭniu pa svaim majsterstvie, pa svajoj charyźmie, pa svaim repiertuary».

Pry hetym Kułakova nie bačyć nijakich prablem, ź jakimi siońnia sutykajucca biełaruskija artysty. «Jeŭrabačańnie» i amierykanskija łejbły im nie patrebnyja, a dla prasoŭvańnia dastatkova Rasii i Kazachstana.

«Skažam adkryta: u amierykanskich łejbłach našy artysty nie byli. Tamu tut prablem niama. A toje, što jany [nie] ŭdzielničajuć u «Jeŭrabačańni», vy viedajecie, tak i nie treba. Miarkujučy pa tym, što adbyvajecca ŭ hetym konkursie apošnija niekalki hadoŭ, mnie padajecca, što i nie treba. A rynak rasijski — kali łaska, jon adkryty. Rynak Kazachstana adkryty».

Kułakova zapeŭnivaje, što misija ich pradziusarskaha centra — pošuk novych imionaŭ i raźvićcio muzyčnaj industryi krainy.

«Chaciełasia b, kab hetych imion było jak maha bolš. Viedajecie, samaja naša vialikaja meta i misija — heta kali ludzi buduć kazać: ja lublu svajo biełaruskaje, i ja chaču jaho čuć, ja chaču jaho kupić», — davodzić žančyna i zapeŭnivaje, što ŭ jaje płejliście «niama nivodnaha inšaha artysta, akramia biełaruskaha».

Kamientary20

  • Śvinka Pepa
    15.04.2025
    Vam moža i nie patrebna, a biełarusam patrebna!
  • Symon
    15.04.2025
    Kułakova zapeŭnivaje, što misija ich pradziusarskaha centra — pošuk novych imionaŭ i raźvićcio muzyčnaj industryi krainy

    A mianie zdajecca, što misija Siałuchi i jejnaj siastry - pilić hrošy dziaržbiudžeta, jakija ichnyja miedyjastruktury atrymlivajuć pa zahadu cieścia Siałuchi. Nu i taksama zadavolić eha Siałuchi, jakaja zasumavała paśla šmat hadoŭ u roli chatniaj haspadyni, na rachunki jakoj ciakli skradzienyja hrošy Biełaza.
  • Varona
    15.04.2025
    Na kancerty ŭ Kazachstan svaich biudžetnikaŭ taksama aŭtobusami paviaziecie?
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ1

«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ

Usie naviny →
Usie naviny

«Havorka pra sotni čałaviek». Za hod u śpisie «ekstremisckich farmavańniaŭ» źjavilisia siem adukacyjnych prajektaŭ6

KDB pryznaŭ «terarystkami» zasnavalnic Imaguru1

Amierykanskaja ambasada ŭ Kijevie papiaredziła pra mahčymy maštabny abstreł Ukrainy1

«Hniły viartlavy pid*ras. I *ujasos». Azaronak nazvaŭ Kaleśnikava z puła Pucina słovami, niezvyčajnymi navat dla svaich efiraŭ15

Ci sapraŭdy možna stracić da 10 kiłahramaŭ padčas snu? Navat bolš!

Na paradzie ŭ Minsku pakazali zienitny kompleks na šasi MAZ, jaki vykarystoŭvaje Rasija va Ukrainie3

U Jehipcie pierakuliŭsia aŭtobus z turystami ź Biełarusi, Rasii i Kazachstana

U Minsku prajšoŭ vajskovy parad u honar 80-hodździa pieramohi nad Hiermanijaj10

U Pakistanie dumajuć, što dla ich u Biełarusi buduć 198 tysiač vakansij1

bolš čytanych navin
bolš łajkanych navin

«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ1

«Ja skazaŭ na videa, što mianie nie katujuć — na toj momant heta było praŭdaj. A paśla mianie bili dźvie hadziny». Ukrainski žurnalist dva hady pravioŭ u rasijskim pałonie — voś što jon pieražyŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić