Hramadstva66

Kolki zarablajuć u pradziusarskim centry Hanny Łukašenki

U rasparadžeńni rasśledavalnikaŭ «Biuro» źjavilisia danyja pra zarabotnyja płaty klučavych supracoŭnikaŭ «Muzyčnaj miedyjakampanii» — pradziusarskaha centra, u jakim pasadu hienieralnaha pradziusara zajmaje niaviestka Alaksandra Łukašenki, bolš viadomaja jak aŭtarka piesień pad psieŭdanimam Hanna Siałuk.

Andrej Huziel (treci źleva) i Taćciana Kułakova (druhaja sprava). Krynica: muzmedia.by / Instagram

Jak piša «Biuro», sama Hanna Łukašenka (Siałuk) supracoŭnikam u «Muzyčnaj miedyjakampanii» nie značycca i nijakaha prybytku ad jaje nibyta i nie atrymlivaje.

Adnak firma spraŭna pieraličaje hanarary top-mieniedžaram pradakšna — dyrektaru Andreju Huzielu i namieśniku dyrektara Taćcianie Kułakovaj, rodnaj siastry Hanny Łukašenki.

Andrej Huziel pracavaŭ kancertnym dyrektaram u biełaruskich vykanaŭcaŭ — Sašy Nema i Łarysy Hrybalovaj, supracoŭničaŭ z Alaksandram Rybakom i navat vałodaŭ ułasnym pradziusarskim centram «Hrand mjuzik». 

Ciapier Huziel šukaje budučych zorak biełaruskaj estrady na dziaržpradpryjemstvach.

Za hetuju pracu ŭ 2022 hodzie Andrej Huziel atrymaŭ ad «Muzyčnaj miedyjakampanii» prykładna 31,5 tysiačy biełaruskich rubloŭ. 

U 2023 hodzie ŭ pradziusarskim centry front pracaŭ pavialičyŭsia, i zarobak Huziela pačaŭ raści. Usiaho tady pradziusar atrymaŭ ad «Muzyčnaj miedyjakampanii» krychu bolš za 94 tysiačy biełaruskich rubloŭ.

Ź miesiaca ŭ miesiac jaho akłady varjavalisia ad 6162 da 9878 rubloŭ, u toj čas jak siaredniaja zarabotnaja płata ŭ 2023 hodzie pa krainie była 1902 rubli.

Talenty ŭłasnaj siastry hienieralny pradziusar Hanna Łukašenka aceńvaje krychu bolš ścipła.

U 2022 hodzie Taćciana Kułakova adpracavała ŭ «Muzyčnaj miedyjakampanii» niapoŭnych 3 miesiacy, za što atrymała trochi bolš za 16 tysiač biełaruskich rubloŭ. U 2023 hodzie Kułakova zarabiła kala 79,5 tysiačy biełaruskich rubloŭ.

Ź miesiaca ŭ miesiac jaje akłady źmianialisia ad 4360 da 9878 rubloŭ — to bok u siarednim za miesiac jana zarablała bolš, čym siaredniestatystyčny biełarus, u 3,5 razu.

Jak piša «Biuro», «Muzyčnaja miedyjakampanija» naležyć Pałacu respubliki Upraŭleńnia spraŭ Łukašenki (30%) i pryvatnaj kampanii «ANSŁ pradakšn» (70%).

Heta «ANSŁ pradakšn» zapisanaja na Andreja Urubleŭskaha (95%) — adnaho z padnačalenych Dźmitryja Łukašenki. Ale, imavierna, Urubleŭski vykonvaje ŭ «ANSŁ pradakšn» funkcyju naminalnaha ŭładalnika, kab utaić udzieł u kampanii žonki svajho patrona.

ANSŁ vielmi nahadvaje inicyjały žonki siaredniaha syna Łukašenki Dźmitryja — ANna (pa-rusku) Siarhiejeŭna Łukašenka.

Kamientary6

  • Byvały
    09.12.2024
    Vot vam i primier ni-ni siemiejki, kotoraja połnosťju živiet za sčiet biełarusov. A skolko tam dienieh otmyvajetsia čieriez vsiakije prosłojki, kotoryje nadieleny unikalnymi pravami prodaži tovarov biełaruskij priedprijatij. V itohie vsia pribyl osiedajet v etich prosłojkach, a do hospriedprijatij dochodiat kopiejki. Ili posmotritie na biźnies impieriju «upravlenija diełami». Tuda vchodiat diesiatki priedprijatij raznoho urovnia i profila s millionnym oborotom, hdie prostym rabočim płatiat maksimum po piaťsot, zato siemiejka siebie ostavlajet ostalnyje 95%
  • daviedka
    09.12.2024
    Andriej Huziel so svojej tohdašniej žienoj i prodiusierom kanała STV Anastasijej Huziel-Hanijevoj ustroili skandał s učastijem striptiziorš na «Miss Minsk-2013».
  • daviedka
    09.12.2024
    Anna Siełuk obiazatielno dołžna zaniaťsia raskrutkoj u siebia na «Radio Šanson» tvorčieski płodovitoho lubimca vsiech žienŝin Mocnaha Aleksandra Hrihoŕjeviča.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Novym śpikieram Kaardynacyjnaj rady, chutčej za ŭsio, stanie Arciom Bruchan6

Novym śpikieram Kaardynacyjnaj rady, chutčej za ŭsio, stanie Arciom Bruchan

Usie naviny →
Usie naviny

Biełaruskija ŭłady letaś dasłali zapyt na vydaleńnie 50 videa z YouTube. Im admovili3

Džuli Devis, jakuju niekali pryznačali pasłom ZŠA ŭ Biełarusi, uznačalić dypmisiju ŭ Kijevie

Top-3 karumpavanyja prezidenty Uschodniaj Jeŭropy — novy fejk 1

«My zrabili bolš za lubuju inšuju dziaržavu». Tramp abviaściŭ 8 maja Dniom Pieramohi ŭ ZŠA30

Minčanka paprasiła Kucharava pamianiać joj kvateru praź infrahuk ad susiedskaha kampjutara3

Hihin atakuje Ejdelman za lekcyju pra BNR: Pustoje miesca, poŭny čajnik39

Rasijskija ŭłady ŭ 2024 hodzie zapatrabavali ad Google vydalić rekordnuju kolkaść kantentu3

Insajdar raskazaŭ, što Chataba atrucili «Navičkom». Pamior i kupleny ahient, jaki pieradaŭ jamu list13

Vice-prezident ZŠA: U nastupnyja 100 dzion ZŠA pasprabujuć arhanizavać pieramovy Rasii i Ukrainy15

bolš čytanych navin
bolš łajkanych navin

Novym śpikieram Kaardynacyjnaj rady, chutčej za ŭsio, stanie Arciom Bruchan6

Novym śpikieram Kaardynacyjnaj rady, chutčej za ŭsio, stanie Arciom Bruchan

Hałoŭnaje
Usie naviny →

Zaŭvaha:

 

 

 

 

Zakryć Paviedamić