U Minskim rajonie kala vioski Kajkava haryć les. Pavodle infarmacyi MNS, na miescy ŭzharańnia pracujuć 7 adzinak techniki MNS i 22 vyratavalniki, a taksama 10 adzinak techniki i 50 čałaviek Minskaha lashasa.
U viedamstvie padkreślili, što likvidacyja pažaru ŭskładniajecca z-za adsutnaści padjaznych šlachoŭ i paryvaŭ vietru.
Pavodle infarmacyi Ministerstva lasnoj haspadarki, u lasach Biełarusi zachoŭvajecca składanaja pažaraniebiaśpiečnaja abstanoŭka. Tolki za minułyja vychadnyja rabotniki lasnoj haspadarki likvidavali 26 lasnych pažaraŭ na płoščy zvyš 100 ha, a niekatoryja tušyli navat nočču.
Siońnia ŭžo viadoma pra vypadki ŭzharańniaŭ u Naraŭlanskim i Čačerskim śpieclashasach, Paleskim, Miłaševickim, Pietrykaŭskim lashasach. Pa stanie na 19:00 paniadziełka abmiežavańni i zabarony na naviedvańnie lasoŭ dziejničajuć va ŭsich rajonach Biełarusi.
Kamientary