Tahanski sud Maskvy aryštavaŭ try asnoŭnyja jurydyčnyja asoby kampanii-raspracoŭščyka hulniaŭ «Lesta ihry». Infarmacyju pra heta vyjaviła vydańnie RBK u bazie danych vykanaŭčych vytvorčaściaŭ Fiederalnaj słužby sudovych prystavaŭ.
Aryšt nakłali 17 krasavika na TAA «Lesta», TAA «Lesta Hiejms Maskva» i TAA «Lesta Hiejms Edžensi». Jak vynikaje ź infarmacyi, źmieščanaj u bazie, pazoŭnikam pa spravie vystupaje Hienprakuratura Rasii.
Pryčyny aryštu i inšyja padrabiaznaści spravy nie raskryvajucca.
«Lesta ihry» — sankt-pieciarburhskaja studyja hulniaŭ, jakaja kiruje ŭ Rasii prajektami «Śviet tankaŭ», «Śviet karabloŭ» i Tanks Blitz.
Raniej jana ŭvachodziła ŭ skład kampanii Wargaming biełaruskaha biznesmiena Viktara Kisłaha, jakaja raspracoŭvaje šmatkarystalnickija anłajn-hulni World Of Tanks, World of Warships, Order Of War i inšyja.
Paśla pačatku poŭnamaštabnaha rasijskaha ŭvarvańnia va Ukrainu Wargaming abviaściła, što bolš nie budzie vałodać abo kiravać biznesam u Rasii i Biełarusi i pakinie abiedźvie krainy. Hulniavy biznes u hetych krainach pierajšoŭ pad kiravańnie «Lesta ihry», jakaja pieranazvała hulni World Of Tanks, World of Warships, WoT Blitz ŭ «Śviet tankaŭ», «Śviet karabloŭ» i «Tanks Blitz».
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»26
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary