Vynieśli na abmierkavańnie źmieny ŭ Praviły aŭtamabilnych pieravozak pasažyraŭ
Saviet ministraŭ vynies na hramadskaje abmierkavańnie prajekt źmienaŭ u Praviły aŭtamabilnych pieravozak pasažyraŭ. Abmierkavańnie praciahniecca z 26 krasavika pa 5 maja, a prajekt tyčycca jak haradskich, tak i mižharodnich pieravozak, a taksama taksi.
Na abmierkavańnie vynosiacca nastupnyja prapanovy:
- usie transpartnyja srodki, jakija pracujuć na aŭtamabilnych pieravozkach, pavinny być abstalavanyja srodkami videafiksacyi;
- u aŭtobusach na pasažyrskich miescach abaviazkova pavinny być ramiani biaśpieki: na haradskich maršrutach — dvuchkropkavyja abo trochkropkavyja, a ŭ pryharadnych i mižharodnich aŭtobusach i maršrutkach — tolki trochkropkavyja;
- u taksi možna budzie admovicca płacić za pajezdku, kali kiroŭca nie vydaŭ kasavy ček — kali tolki heta nie apłata praz mabilny dadatak z farmiravańniem elektronnaha čeka, abo kali ŭ taksi adsutničaje kasa (akramia taksi, jaki pracuje praź internet-servisy);
- da kiroŭcaŭ, jakija majuć staž i adsutnaść pryciahnieńnia da adkaznaści, buduć pradjaŭlacca inšyja patrabavańni. Tych, chto atrymaŭ pravy mienš, čym piać hadoŭ tamu, vyzvalać ad prachodžańnia kursaŭ pavyšeńnia kvalifikacyi.
Ciapier čytajuć
Syna eks-kiraŭnika Bresckaj vobłaści asudzili za ŭdzieł u pratestach8
Kamientary