Vystava kancertnych fatahrafij Advarotny bok zorak» daterminova zhornutaja i zmušanaja pierabracca ŭ internet.
Vystava kancertnych fatahrafij Alaksandra Ždanoviča (Tarantino) «Advarotny bok zorak», jakaja adkryłasia 10 sakavika ŭ faje kinateatra «Pieramoha», była daterminova zhornutaja i zmušanaja pierabracca ŭ internet.
Pa infarmacyi arhanizataraŭ, kiraŭnictvu UP «Kinavideaprakat»
było dastatkova nieabhruntavanaha słychu ab «apazicyjnych nastrojaŭ na adkryćci vystavy», kab vakoł biaskryŭdnych fatahrafij biełaruskich muzykaŭ razhareŭsia skandał.U jaho akazalisia ŭciahnutyja dyrektar kinateatra, sam fatohraf i arhanizatar vystavy — hramadskaja kampanija «Budźma biełarusami!», jakaja praviała bolš za 900 kulturnych mierapryjemstvaŭ.
Pieršym spravaj
Alaksandra Ždanoviča paprasili prybrać zhadki pra kampaniju «Budźma biełarusami!». Fatohraf i pradstaŭniki «Budźma!» pahadzilisia. I tym nie mienš praź niekalki dzion, navat nie paviedamiŭšy aŭtaru vystavy, jaje prosta źniali, rastłumačyŭšy tym, što «tut jakraz płanavałasia novaja ekspazicyja».Choć vystava Ždanoviča płanavałasia na dva tydni.
Na žal, nie ŭsie, chto chacieŭ ubačyć vystavu ŭ kinateatry «Pieramoha», zmahli zrabić heta. Ciapier u ich jość mahčymaść nie tolki ŭbačyć fotazdymki, ale i nabyć ich na admysłovaj
A praź miesiac zorak vystavy možna budzie i pačuć —
22 krasavika ŭ kłubie «Reaktar» kampanija «Budźma biełarusami!», Hurt IQ48 i fond «Dobra tut» ładziać dabračynny kancert pad nazvaj «Dobry Fest». Na im vystupiać IQ48, Neuro Dubel, B: N, ZM99 («Źmiaja»), Aleh Chamienka («Pałac»).U «Reaktary» vystava projdzie ŭ apošni raz, i pa zakančeńni kancerta fota buduć razdadzienyja svaim paŭnapraŭnym uładalnikam.
Vynieśli prysud Palinie Zyl — błohiercy, jakaja stała nulavym pacyjentam spravy Hajuna, bo ŭ jaje znajšli tuju samuju spasyłku ad Matolki15
Kamientary