Raman Pratasievič raskazaŭ, jakuju novuju prafiesiju płanuje atrymać najbližejšym časam
«Heta takoje ramiastvo, jakim ja, kali što, zmahu zajmacca ŭ lubym punkcie śvietu».
Były hałoŭny redaktar kanała «Niechta» i były zvarščyk Raman Pratasievič, jaki niadaŭna staŭ viełakurjeram, raspavioŭ, što znajšoŭ novuju spravu dla siabie.
Pratasievič kaža, što choča pasprabavać siabie ŭ novaj spravie, a taksama što spadziajecca na spakojnaje žyćcio biez ahladki na minułaje. Chutka jon płanuje pačać navučańnie na barmiena.
«Ja bolš nie chaču aziracca na toje, što było», — skazaŭ Pratasievič. Jon paviedamiŭ, što ŭ mai pačnucca kursy navučańnia na barmiena.
«Tak, mienavita tak — vam nie pačułasia. Ja prosta padumaŭ, što heta vielmi niadrennaja praca: i kamunikacyja ź ludźmi, i peŭny sučasny vajb», — miarkuje jon.
Pratasievič adznačyŭ, što prafiesija barmiena, jak i, naprykład, zvarščyka, moža być karysnaj u luboj krainie.
«Usio naładžvajecca, i ja spadziajusia, što ŭ vas taksama», — dadaŭ jon.
Akramia taho, Raman Pratasievič raspavioŭ pra svaju novuju maru — navučycca hrać na hitary i śpiavać. Jon užo vybraŭ sabie hitaru za 430 rubloŭ i šukaje kursy pa vakale. Raman prosić pra materyjalnuju dapamohu ŭ ździajśnieńni hetaj mary svaich čytačoŭ.
«U paniadziełak, 5 traŭnia, mnie 30 [hadoŭ]. I chočacca pačać novy etap z novymi metami», — kaža jon.
Kamientary