Rasijskija telehram-kanały i vajenkary paviedamlajuć pra novuju maštabnuju sprobu nastupleńnia Uzbrojenych sił Ukrainy na terytoryju Kurskaj vobłaści Rasii. Asnoŭnyja padziei adbyvajucca ŭ Hłuškoŭskim rajonie, u rajonie Ciotkina, a taksama na kirunku nasielenaha punkta Novy Puć.
Pavodle źviestak telehram-kanała SHOT, u apieracyi ŭdzielničajuć da 250 ukrainskich vajskoŭcaŭ, bolš za 15 adzinak ciažkaj techniki, a taksama kvadracykły, na jakich pierasoŭvajecca piachota. Pavodle infarmacyi kanała, častka techniki była źniščana padčas načnoha padychodu da rasijskaj miažy.
Nastupalnyja dziejańni, jak śćviardžajecca, pačalisia viečaram napiaredadni. Niepasredna pierad hetym byli masiravanyja ŭdary dronami i artyleryjaj pa terytoryi Ciotkina.
Paśla hetaha dźvie braniravanyja hrupy ŭkrainskich vajskoŭcaŭ pačali prasoŭvańnie ŭ bok miažy z terytoryi Sumskaj vobłaści.
Taksama paviedamlajecca pra razbureńnie mosta ŭ vioscy Zvanaje, što moža śviedčyć pra sproby pierarezać šlachi padmacavańnia ci ŭskładnić pieramiaščeńnie rasijskich vojskaŭ u rajonie bajavych dziejańniaŭ.
Pavodle rasijskich krynic, pa miescach kancentracyi ŭkrainskich sił naniesieny avijaŭdary. Bajavyja sutyknieńni praciahvajucca ŭ niepasrednaj blizkaści da miažy, na ŭskrajkach Ciotkina.
Umovy nadvorja — daždžy i abmiežavanaja bačnaść — uskładniajuć vykarystańnie bieśpiłotnikaŭ.
Aficyjny Kijeŭ situacyju pakul nie kamientuje.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram30
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary