Ksiandza Akałatoviča pieraviali ŭ kałoniju ŭ dzień śviatkavańnia Vialikadnia
Asudžanaha na 11 hadoŭ pazbaŭleńnia voli va ŭmovach uzmocnienaha režymu katalickaha śviatara Hienrycha Akałatoviča pieraviali ŭ kałoniju ŭ Babrujsku, i adbyłosia heta akurat na Vialikdzień, piša vydańnie Katolik.news.
Paśla taho, jak Viarchoŭny sud adchiliŭ skarhu Hienrycha Akałatoviča, prysud pavodle abvinavačvańnia ŭ «zdradzie dziaržavie» nabyŭ moc, tamu ź SIZA śviatara etapavali ŭ miesca «adbyćcia pakarańnia».
Jak daviedalisia vierniki, heta adbyłosia 20 krasavika, va Uvaskrasieńnie Chrystova. U tuju datu Paschu adznačali i kataliki, i pravasłaŭnyja — niahledziačy na heta, mienavita ŭ hety dzień dla hrupy asudžanych arhanizavali etap ź minskaha SIZA.
Probašč parafii ŭ Vałožynie byŭ asudžany pa abvinavačvańni ŭ «zdradzie dziaržavie» na 11 hadoŭ źniavoleńnia.
65-hadovy ksiondz Hienrych maje ciažkija chvaroby — jamu byli pryznačanyja miedabśledavańni, jakija, jak čakałasia, praviaduć da adpraŭki ŭ kałoniju. Mahčyma, jaho viernuć nazad u SIZA dla prachodžańnia abśledavańniaŭ.
Vierniki nie hublajuć nadziei, što śviatar u chutkim časie budzie vyzvaleny praz praceduru pamiłavańnia.
Prapahandysty anansavali intervju z usimi palakami, asudžanymi ŭ Biełarusi za špijanaž
Ksiandza z Šumilina Andžeja Juchnieviča asudzili na 13 hadoŭ źniavoleńnia
Ksiondz Akałatovič: Mianie abvinavacili ŭ špijanažy na karyść Polščy i Vatykana
U Vatykanie abmierkavali prablemu Čyrvonaha kaścioła i źniavolenych śviataroŭ
«Jon nie złomleny». Jak uspryniaŭ prysud 64-hadovy śviatar z Vałožyna, asudžany na 11 hadoŭ
Kamientary