U Vatykanie abmierkavali prablemu Čyrvonaha kaścioła i źniavolenych śviataroŭ
Kiraŭnik katalickaha jepiskapatu Biełarusi, Mitrapalit Minska-Mahiloŭski Juzaf Stanieŭski ździejśniŭ pracoŭnuju pajezdku ŭ Rym i padčas jaje daŭ vialikaje intervju vydańniu Vatican News, piša Katolik.life.
Juzaf Stanieŭski
Arcybiskup Juzaf Stanieŭski raskazaŭ, što padčas razmovy ź Dziaržaŭnym sakratarom Vatykana kardynałam Pjetra Paralinam toj «cikaviŭsia spravaj Čyrvonaha kaścioła ŭ Minsku i piersanalnymi spravami śviataroŭ».
Jakich mienavita śviataroŭ — nie havorycca, ale, vidavočna, havorka idzie pra źniavolenych ksiandza Hienrycha Akałatoviča i ajca Andžeja Juchnieviča.
«Adčuvałasia, što jon viedaje ahulnyja spravy našaha Kaścioła i bačyć ich praz pryzmu Kaścioła Paŭsiudnaha», — adznačyŭ biełaruski ijerarch, nie ŭdakładniajučy padrabiaznaściaŭ razmovy.
Što tyčycca zakrytaha ŭžo bolš za dva hady Čyrvonaha kaścioła, to arcybiskup Stanieŭski kanstatavaŭ, što «budynak kaścioła pa dakumientach źjaŭlajecca ŭłasnaściu pradpryjemstva «Minskaja spadčyna», parafijalnaja supolnaść vykarystoŭvała budynak chrama i inšyja pabudovy pa damoŭlenaści»:
«Molimsia i čakajem, kali budynak budzie pieradadzieny katalickim viernikam, jak i było ŭ zadumie fundatara Čyrvonaha kaścioła Słuhi Božaha Edvarda Vajniłoviča».
Padčas hetaj pajezdki płanavałasia sustreča biełaruskich biskupaŭ z Papam Rymskim, adnak jana nie adbyłasia pa pryčynie ciažkaj chvaroby i špitalizacyi Franciška.
Vatykan paviedamiŭ ab nievialikim palapšeńni stanu Papy Franciška
«Nikoli ni ad kaho nie atrymlivali skarhaŭ». Što viadoma pra situacyju śviatara, jakoha sudziać u Šumilinie
Asudžanamu na 11 hadoŭ ksiandzu Akałatoviču zabaraniali ŭ SIZA KDB mieć kryž
Čyrvony kaścioł u Minsku pakul nie adčyniać
Płany pa rekanstrukcyi kaścioła na Kalvaryjskich mohiłkach u Minsku pamianiali nie ŭ lepšy bok
Kamientary