«Jon nie złomleny». Jak uspryniaŭ prysud 64-hadovy śviatar z Vałožyna, asudžany na 11 hadoŭ
Ksiondz Hienrych Akałatovič žartavaŭ, trymaŭsia ŭ dobrym duchu i prasiŭ ab malitvie.
Viernikam stała viadoma pra stan katalickaha śviatara Hienrycha Akałatoviča, jaki byŭ asudžany ŭ Minsku na 11 hadoŭ pazbaŭleńnia voli, piša katolik.life.
Na prysud śviatar adreahavaŭ spakojna. Jak daviedalisia vierniki, ksiondz Hienrych, biezumoŭna, nie pahadziŭsia z prysudam i maje namier jaho abskardzić — jon nie ličyć siabie ŭ čym-niebudź vinavatym, u sudzie jon taksama vinu nie pryznaŭ.
Ale z ulikam umoŭ, jakija skłalisia ŭ Biełarusi, śviatar zhodny na padpisańnie prašeńnia ab pamiłavańni, kali heta prapanujuć. 64-hadovy ksiondz maje ciažkija chvaroby i pravioŭ za kratami ŭžo bolš za hod.
Tym nie mienš, jon trymajecca dobra, zachoŭvaje badzioraść duchu i navat žartuje nad svaim prysudam — paraŭnoŭvaje jaho z tymi, jakija vynosili pry kamunistyčnym režymie.
Pa-raniejšamu prosić ab malitvie i paŭtaraje, što spadziajecca tolki na Boha i daviaraje jamu svajo žyćcio.
Ciapier čytajuć
Łukašenka zahadaŭ pryščaplać nieluboŭ da Polščy pačynajučy sa škoły64
Łukašenka zahadaŭ pryščaplać nieluboŭ da Polščy pačynajučy sa škoły
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary