Ekanomika99

Padličyli, kolki možna było b zarabić, kali pakłali b biełaruskija rubli na depazit hod tamu

Pracenty na valutnych układach ciapier mizernyja, a ci šmat prynosiać rublovyja?

Ilustracyjny zdymak. Fota: «Naša Niva»

Kolki rubloŭ nabiažyć za hod?

Najbolš vyhadnyja biezadzyŭnyja depazity terminam ad adnaho hoda — kali havorka idzie pra biełaruskija rubli, — i terminam ad dvuch hadoŭ, kali ŭkład valutny. Dachod ad hetych depazitaŭ nie abkładajecca padachodnym padatkam (u vypadku ź biezadzyŭnymi ŭkładami da hoda bank aŭtamatyčna vyličvaje padatak).

Razhledzim minimalny z vyhadnych terminaŭ — 13 miesiacaŭ. To-bok ciapier zabirać hrošy mohuć tyja, chto pakłaŭ ich na depazit u krasaviku 2024 hoda.

Letaś banki prymali biełaruskija rubli pad 14,1—15,9% na termin 13 miesiacaŭ. Ciapier pracentnyja staŭki prykładna takija ž, tamu dla raźliku vykarystajem aktualnyja danyja kalkulataraŭ.

Skrynšot: belarusbank.by

Naprykład, kali vy pakłali 10 000 rubloŭ u krasaviku 2024 hoda pad 14,4%, to praz 13 miesiacaŭ vy atrymajecie 11 562 rubli.

Kali ŭkład z kapitalizacyjaj pracentaŭ, suma budzie vyšejšaja. Pakažam heta na prykładzie kalkulacyi ad Parytetbanka.

Skrynšot: paritetbank.by

Pakłaŭšy 10 000 rubloŭ na 13 miesiacaŭ pad 15,6% hadavych z kapitalizacyjaj, praz hod i adzin miesiac vy atrymajecie 11 813 rubloŭ. Suma vyraście na 18% —vyhada vidavočnaja navat z ulikam inflacyi. 

Pieravodzim u valutu

Jak hetaja vyhada vyhladaje z ulikam kursavych vahańniaŭ?

Naprykład, na 24 krasavika 2024 hoda kurs Nacbanka składaŭ 3,25 rubla za dalar. Atrymlivajecca, što 13 miesiacaŭ tamu 10 000 rubloŭ raŭnialisia $3077.

Ciapier ža, pavodle kursu Nacbanka, dalar kaštuje 3,01 rubla. Atrymlivajecca, što 10 000 rubloŭ ciapier ekvivalentnyja $3322. 

Takim čynam, 10 tysiač biełaruskich rubloŭ, jakija 13 miesiacaŭ tamu raŭnialisia 3077 dalaram, na biezadzyŭnym depazicie pieratvarylisia ŭ sumu, ekvivalentnuju 3841—3944 dalaram.

A što, kali b vy pakłali hrošy na depazit u valucie?

Apošnija hady biełaruskija banki źnižajuć pracentnyja staŭki pa valutnych układach, tamu prybytkovaść pa ich znachodzicca ŭ miežach statystyčnaj chibnaści.

Biełarusbank prapanuje 0,01% pa ŭkładach u dalarach ZŠA. Skrynšot: belarusbank.by

Biełarusbank, naprykład, prapanuje 0,01% pa ŭkładach u dalarach. Pakłaŭšy na trochhadovy biezadzyŭny depazit 10 tysiač dalaraŭ, vy atrymajecie źvierchu ŭsiaho try dalary. Praz heta kłaści hrošy ŭ dalarach abo jeŭra na depazit stała biessensoŭna.

Samaje składanaje — uhadać, što budzie ź biełaruskim rubloŭ u nastupny hod. Tym, chto pavieryŭ u nacyjanalnuju valutu ŭ 2024-m, pašancavała. Što budzie dalej, harantyi nie daść nivodzin prahnazist.

Kamientary9

  • Biełarus
    27.05.2025
    Dziŭnaja parada ad, padavałasia b, biełaruskaha vydańnia. Navat, kali adsotki pa ŭkładach byli b značna vyšejšyja, a prybytak harantavany - heta nie nahoda nieści hrošy ŭ łukašenkaŭskija banki dy padmacoŭvać varožuju ekanomiku chuntu. Dla zrynańnia dyktatury patrebna naadvarot - adymać u jaje hrašovyja resursy. Ale kudy tam. Čaho čakać ad ludziej, u jakich u hałavie tolki "11-i hadzinny seks"?
  • Kalkulatar
    27.05.2025
    Pieravodzim u bulbu.

    Pakłaŭšy 10 000 rubloŭ (9090kh bulby pa 1.1rub.)
    na 13 miesiacaŭ pad 15,6% hadavych z kapitalizacyjaj
    praz hod i adzin miesiac vy atrymajecie 11 813 rubloŭ (3 375 kh bulby pa 3.5rub.)
  • .
    27.05.2025
    Kali sapraŭdy ŭkładać u bulbu, to zaraz heta było b 31815 rub. (9090kh bulby pa 3.5rub.).
    318%. Z kapitalizacyjaj u vyhladzie prarostkaŭ.

Ciapier čytajuć

Staŭ viadomy sapraŭdny hod zasnavańnia Mienska. Adkryćcio było vostrasiužetnym navukovym detektyvam9

Staŭ viadomy sapraŭdny hod zasnavańnia Mienska. Adkryćcio było vostrasiužetnym navukovym detektyvam

Usie naviny →
Usie naviny

Benksi prezientavaŭ novuju pracu, ale nie skazaŭ, dzie znachodzicca1

Siońnia pačynajecca sud nad Ninaj Bahinskaj7

Kab źniać prapahandyscki klip, prydvorny kampazitar Alejnik vyciahnuŭ litaralna z-pad kropielnicy 86-hadovuju babulu11

U DTZ u Voranaŭskim rajonie zahinuła adnahadovaje dzicia

Słavakija viartaje ŭ Biełaruś pasła11

Raspracavany pieršy za 50 hadoŭ antybijotyk suprać śmiarotnaj supierbakteryi

U Maładziečanskim rajonie pradajuć lecišča z marskoha kantejniera

Kolki kaštuje pucioŭka ŭ biełaruski sanatoryj — suma niemałaja2

Piać pytańniaŭ, jakija zastajucca paśla śmierci eks-vykładčyka BNTU Ščukina, što ŭciakaŭ ad milicyi46

bolš čytanych navin
bolš łajkanych navin

Staŭ viadomy sapraŭdny hod zasnavańnia Mienska. Adkryćcio było vostrasiužetnym navukovym detektyvam9

Staŭ viadomy sapraŭdny hod zasnavańnia Mienska. Adkryćcio było vostrasiužetnym navukovym detektyvam

Hałoŭnaje
Usie naviny →

Zaŭvaha:

 

 

 

 

Zakryć Paviedamić