Polšča abvinavaciła Rasiju ŭ biesprecedentnym ŭmiašańni ŭ prezidenckija vybary
Ministr ličbavych spraŭ Polščy zajaviŭ, što Polšča sutykajecca ź biesprecedentnaj sprobaj umiašańnia z boku Rasii ŭ vybarčy praces. Zajava prahučała napiaredadni pieršaha tura prezidenckich vybaraŭ, jaki projdzie 18 traŭnia.
Polšča zajaŭlaje, što jaje rola jak centra dapamohi Ukrainie zrabiła jaje klučavoj mišeńniu dla rasijskich sabatažaŭ, kibieratak i dezynfarmacyi, i Varšava znachodzicca ŭ stanie padvyšanaj hatoŭnaści da ŭmiašańnia, asabliva paśla taho, jak Rumynija admianiła prezidenckija vybary ŭ śniežni z-za abvinavačvańniaŭ va ŭmiašańni Rasii.
«Padčas ciapierašnich prezidenckich vybaraŭ u Polščy my nazirajem biesprecedentnuju sprobu ŭmiašańnia ŭ vybarčy praces z rasijskaha boku», — zajaviŭ Kšyštaf Haŭkoŭski, ministr ličbavych spraŭ, piša Reuters.
Jon rastłumačyŭ, što havorka idzie pra raspaŭsiud dezynfarmacyi, jakaja spałučajecca z hibrydnymi atakami na krytyčnuju infrastrukturu krainy, kab «paralizavać narmalnaje funkcyjanavańnie dziaržavy».
Pavodle Haŭkoŭskaha, ataki nakiravany na vodazabieśpiačalnyja i kanalizacyjnyja pradpryjemstvy, ciepłavyja i elektrastancyi, dziaržaŭnyja ŭstanovy.
Jon taksama adznačyŭ, što ŭzrovień rasijskaj kibieraktyŭnaści ŭ Polščy bolš čym u dva razy pieravysiŭ letašnija pakazčyki.
«Padčas kožnaj chviliny majoj pramovy ŭ Polščy fiksujucca dziasiatki incydentaŭ, skiravanych na krytyčnuju infrastrukturu», — padkreśliŭ ministr.
U sakaviku Varšava paviedamiła pra kibierataku na Polskaje kaśmičnaje ahienctva. U 2024 hodzie Polšča zajaŭlała, što dziaržaŭnaje infarmahienctva paciarpieła ad mahčymaha rasijskaha ŭzłomu.
Varšava i jaje sajuźniki taksama śćviardžajuć, što Maskva staić za padpałami i dyviersijami pa ŭsioj Jeŭropie. Rasija adchilaje hetyja śćviardžeńni.
Ciapier čytajuć
Tramp zaprasiŭ Łukašenku ŭvajści ŭ Radu miru pa Hazie32
Kamientary
[Zredahavana]