Cichanoŭskaja ŭručyła ŭznaharody dziejačam biełaruskaj dyjaspary ŭ ZŠA
Padčas pracoŭnaha vizitu ŭ ZŠA, kiraŭnica Abjadnanaha pierachodnaha kabinieta Śviatłana Cichanoŭskaja ŭručyła miedali «Za plonnuju pracu na karyść Biełarusi» i miedal Francyska Skaryny pradstaŭnicam biełaruskaj dyjaspary ŭ ZŠA.
Miedal «Za plonnuju pracu na karyść Biełarusi» atrymali:
Alesia Kipiel — biełaruska-amierykanskaja hramadskaja dziajačka, jurystka — za ščyruju addanaść biełaruskaj spravie, pramocyju idej volnaj i niezaležnaj Biełarusi ŭ ZŠA;
Alesia Siomucha-Hrynbierh — biełaruskaja hramadskaja dziajačka, sponsarka šmatlikich humanitarnych i kulturnickich prajektaŭ — za kreatyŭnuju dziejnaść pa zachavańni i pramocyi biełaruskaj movy i litaratury ŭ ZŠA i ŭ Biełarusi;
Iryna Krasoŭskaja — hramadskaja dziajačka, pravaabaronca — za šmathadovuju pravaabarončuju dziejnaść i asabisty ŭniosak u likvidacyju źniknieńniaŭ ludziej u Biełarusi i va ŭsim śviecie.
Miedalom Francyska Skaryny uznaharodžana Natalla Hardzijenka — aŭtarka šmatlikich prac pa historyi biełaruskaĭ dyjaspary — za šmathadovuju navukovuju i archiŭnuju dziejnaści na karyść Biełarusi.
Rašeńni ab uznaharodžańniach u Kabiniecie prymajucca kalehijalna, z ulikam prapanoŭ biełaruskaj hramadzianskaj supolnaści.
Śviatłana Cichanoŭskaja adznačyła ŭniosak udzielnikaŭ biełaruskaj dyjaspary ŭ Vašynhtonie:
«Jak i mnohija inšyja, ja vymušana apynułasia ŭ vyhnańni razam ź dziećmi. Ja dobra viedaju, što emihracyja — niaprosty los. Navat dla tych, chto pryjechaŭ u novuju krainu ŭ rańnim uzroście, razam z baćkami. Ale tym bolš važna ŭ čužynie nie zabyvać pra svaje karani. Ź siońniašnich łaŭreataŭ chtości naradziŭsia ŭ emihranckaj siamji, chtości źjechaŭ jašče ŭ 90-ch, paśla prychodu da ŭłady dyktatury, a chtości, jak i bolšaść z nas — paśla 2020-ha hoda. I tym nie mienš, usie jany pa-raniejšamu žyvuć Biełaruśsiu, biełaruščynaj, robiać usio dziela taho, kab našaja radzima była demakratyčnaj i niezaležnaj».
Ciapier čytajuć
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1414
Kamientary