Amierykanskaja ambasada ŭ Kijevie papiaredziła pra mahčymy maštabny abstreł Ukrainy
Ambasada Złučanych Štataŭ Amieryki ŭ Kijevie papiaredziła pra mahčymuju maštabnuju pavietranuju ataku ŭ najbližejšyja dni. Pra heta havorycca ŭ aficyjnym paviedamleńni amierykanskaha dyppradstaŭnictva, ale nie ŭdakładniajecca, chto budzie abstrelvać Ukrainu, piša «Suśpilnie».
Siarod inšaha amierykanskija dypłamaty adznačyli, što jany «atrymali infarmacyju» pra vierahodnaść takoha ŭdaru na praciahu nastupnych niekalkich dzion. U suviazi z hetym ambasada zaklikała hramadzian ZŠA, jakija znachodziacca va Ukrainie, być hatovymi «nieadkładna chavacca» ŭ schoviščy ŭ vypadku abviaščenia pavietranaj tryvohi, a taksama mieć zapasy ježy i vady.
Hetaje papiaredžańnie amierykanskaha dyppradstaŭnictva va Ukrainie źjaviłasia na fonie zakančeńnia tak zvanaha «trochdzionnaha pieramirja», abvieščanaha prezidentam Rasii Uładzimiram Pucinym napiaredadni paradu ŭ Maskvie, pryznačanaha na 9 maja.
Napiaredadni kiraŭnik Ofisa prezidenta Ukrainy Andrej Jarmak zajaviŭ, što ciapier pieramoŭny praces pa zakančeńni vajny Rasii suprać Ukrainy znachodzicca na «etapie vyznačeńnia». Ź jahonych słoŭ, kali Kreml nie prymie prapanovu 30-dzionnaha spynieńnia ahniu, prapanavanuju prezidentam Uładzimiram Zialenskim i padtrymanuju prezidentam ZŠA Donaldam Trampam, to na Rasiju pačnuć dadatkova «cisnuć».
Rasija i Ukraina mohuć padpisać pahadnieńnie ab spynieńni ahniu ŭ hetyja vychadnyja — Mierc
«Hučyć nie tak užo šmat, ale heta vielmi šmat». Tramp vykazaŭsia pra pucinskaje trochdzionnaje pieramirje
«Heta nie płan miru, a teatr». Zialenski adchiliŭ prapanovu Rasii pra trochdzionnaje pieramirje
U Vašynhtonie i Kijevie raskrytykavali prapanavanaje Pucinym trochdzionnaje pieramirje
Ciapier čytajuć
U Varšavu pryjechała sotnia biełaruskich palitviaźniaŭ17
Kamientary