Nastaŭnica z zapraŭki ŭ Vilejcy raskazała, čamu pajšła sa škoły
Videa z vypusknikami ŭ Vilejcy, što pryjechali na aŭtazapraŭku padziakavać svajoj byłoj kłasnaj kiraŭnicy, stała papularnym u tyktoku. Ale razam z tym vyklikała pytańni: čamu nastaŭnica, jakuju dzieci pamiatajuć i lubiać, vymušanaja pracavać na AZS? Byłaja nastaŭnica adkazała.
U tyktoku zavirusiłasia kranalnaje videa, na jakim vypuskniki 11 kłasa adnoj ź vilejskich škoł z kvietkami pryjechali na aŭtazapraŭku, kab padziakavać svajoj byłoj kłasnaj u dzień apošniaha školnaha zvanka. Razam sa školnikami pryjechali ich baćki.
Kraj.by źviazaŭsia ź dziaŭčynaj i daviedaŭsia, jak jana ŭspryniała taki siurpryz.
Hanna Tarhovič kala hoda tamu źmianiła pracu i ciapier pracuje apieratarkaj na aŭtazapraŭcy.
— Hetyja dzieci — moj adziny vypusk za pieryjad pracy ŭ škole, ja ich viała piać hadoŭ — ź piataha pa dziaviaty kłas. U nas šmat supolnych dobrych uspaminaŭ. Hety ŭčynak byŭ niečakany dla mianie i vielmi pryjemny. Moj układ u ich vychavańnie nie prajšoŭ darma, raz jany zdolnyja na takija pryhožyja ŭčynki i pavahu da svaich piedahohaŭ, — skazała jana.
Ciapierašniaja praca na aŭtazapraŭcy Hańnie padabajecca, chacia i pracu ŭ škole jana ŭspaminaje ź ciepłynioj u hołasie.
— Pracu vyrašyła źmianić nie z-za zarpłaty, prosta zachaciełasia novaha dośviedu, — koratka prakamientavała svoj vybar dziaŭčyna.
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary
No na vidieo vidno, čto bolšie vsieho tam podsujetiliś i śnimali dietiej roditieli.