ZŠA atrymali śpis umoŭ dla mirnaha pahadnieńnia ad Ukrainy i ciapier čakajuć jaho ad Rasii
ZŠA atrymali ad Ukrainy śpis umovaŭ dla mirnaha pahadnieńnia, i ciapier čakajuć anałahičnaha dakumienta ad Rasii. Pra heta paviedamiŭ śpiecyjalny pradstaŭnik prezidenta ZŠA pa pytańniach Ukrainy Kit Kiełah u efiry kanała Fox News.

Pavodle słoŭ Kita Kiełaha, padčas niadaŭniaj razmovy Donalda Trampa z Uładzimiram Pucinym rasijski bok paviedamiŭ, što rychtuje tak zvany miemarandum.
Kiełah rastłumačyŭ, što ZŠA ŭžo majuć ukrainskija prapanovy, a paśla atrymańnia rasijskaha varyjanta abodva dakumienty buduć źviedzienyja razam. Paśla baki pasprabujuć znajści ahulnyja punkty, kab stvaryć adziny prajekt i pravieści nastupnuju sustreču.
Jon taksama paviedamiŭ, što ZŠA chacieli arhanizavać novy raŭnd pieramoŭ u Vatykanie, ale Maskva admoviłasia ad hetaj idei.
Nahadajem, što 16 maja ŭ Stambule prajšli trochbakovyja pieramovy pamiž Ukrainaj, ZŠA i Turcyjaj, a taksama sustreča delehacyj Ukrainy i Rasii pry ŭdziele Turcyi — upieršyniu z 2022 hoda.
Ministr zamiežnych spraŭ Ukrainy Andrej Sibiha adznačyŭ, što Vatykan usio jašče razhladajecca jak mahčymaja placoŭka dla pieramoŭ, choć kiraŭnik MZS Rasii Siarhiej Łaŭroŭ nazvaŭ jaje «nieelehantnaj».
Tramp moža ŭvieści sankcyi suprać Maskvy abo vyjści ź pieramoŭ pa Ukrainie — WSJ
Tramp paviedamiŭ pra zaviaršeńnie rasijska-ŭkrainskaha abmienu pałonnymi jašče da jaho pačatku
Nastupny raŭnd pieramovaŭ pamiž Ukrainaj i Rasijaj projdzie ŭ siaredzinie červienia
«Zastoj Bajdena dušyŭ Ukrainu». Što ZŠA robiać inakš pry Trampie i čamu ŭ Kijevie źjaviłasia nadzieja
Rubia: Tramp nie pajšoŭ ni na jakija sastupki Pucinu
Kamientary
Tak pakažycie hety śpis śvietu, ab jakich umovach idzie havorka.