Łatvija zabaraniła ŭjezd niekatorym rasijanam, jakija majuć nieruchomaść pobač z važnymi dla nacyjanalnaj biaśpieki abjektami
Słužba dziaržaŭnaj biaśpieki Łatvii praviała šerah pravierak rasijan, jakija nabyli abo pabudavali žyllo i kamiercyjnyja abjekty pobač z važnymi dla nacyjanalnaj biaśpieki abjektami, paviedamlaje Delfi.
Pa vynikach pravierak viedamstva rekamiendavała ŭklučyć hetych ludziej u śpis niepažadanych dla ŭjezdu ŭ krainu.
«U šerahu vypadkaŭ vyjaŭlenyja ryzyki, jakija stvarajucca rasijanami hramadzianami dla nacbiaśpieki Łatvii. Hetyja hramadzianie ŭklučanyja ŭ tak zvany čorny śpis abo śpis zamiežnikaŭ, jakim zabaronieny ŭjezd u Łatviju», — adznačajecca ŭ paviedamleńni.
Jašče ŭ krasaviku Łatvija zrabiła bolš žorstkim ŭjezd dla rasijanaŭ. Pa novych praviłach, z 1 vieraśnia ŭjazdžajuć pavinny buduć za 48 hadzin da prybyćcia pradastaŭlać padrabiaznuju infarmacyju pra siabie: meta pajezdki, terminy znachodžańnia i maršruty, miesca pražyvańnia, źviestki ab pracy, svajakach ź dziaržaŭnymi ci vajennymi pasadami.
Parušeńnie patrabavańniaŭ pahražaje štrafam da dźviuch tysiač jeŭra.
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary