U Pinsku mužčyna ramantavaŭ mašynu, a tym časam zapčastki ad jaje zdavali ŭ mietałałom
U Pinski HAUS źviarnuŭsia 37-hadovy mužčyna, jaki paviedamiŭ, što ź jahonaha dvara źnikła stojka kuzava aŭtamabila koštam bolš za 170 rubloŭ. Prytym hetym urešcie sprava nie abmiežavałasia.
Jak vyśvietlili supracoŭniki kryminalnaha vyšuku, stojku skraŭ 56-hadovy biespracoŭny miascovy žychar, jaki ŭžo byŭ viadomy milicyi. Jon zaŭvažyŭ na terytoryi pryvatnaha doma razabrany aŭtamabil i, pakul haspadar byŭ na pracy, vynies stojku i zdaŭ jaje na mietałałom.
Praź niekalki dzion, vyrašyŭšy, što samastojna ciahnuć druhuju stojku ciažka, jon pryjšoŭ znoŭ užo z 58-hadovym znajomym. Ź im razam jany ŭkrali druhuju stojku i taksama zdali jaje na mietałałom. Hrošy, atrymanyja za kradzieny mietał, mužčyny patracili na svaje patreby.
Milicyja ciapier praviaraje ich na datyčnaść da inšych padobnych złačynstvaŭ.
Jak paviedamili ŭ pinskaj milicyi, z pačatku hoda zarehistravanyja ŭžo 43 takija vypadki, ź jakich 39 raskryty. Mietał kraduć nie tolki z pradpryjemstvaŭ, ale i z pryvatnych učastkaŭ. Asnoŭnaja pryčyna — biesturbotnaść samich ludziej: lubaja pakinutaja biez nahladu reč moža stać abjektam złačynstva.
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary