U Minsku prajšła katalickaja pracesija, pryśviečanaja śviatu Cieła i Kryvi Chrystovych. Jaho adznačajuć u čaćvier paśla Piacidziesiatnicy. Adnak pakolki śviata vypadaje na pracoŭny dzień, u stalicy pracesiju čaściej za ŭsio pravodziać u niadzielu — napiaredadni albo paśla jaho.
Fota z pracesii publikuje «Anłajnier».
U Minsku pracesija prachodzić štohod. Jana tradycyjna pačynajecca z Nabaženstva la kaścioła Śviatoj Trojcy na Załatoj Horcy i zakančvajecca la Archikafiedralnaha sabora Dzievy Maryi. U šeści prymajuć udzieł biskupy, śviatary, manachi i manaški, dzieci i darosłyja, jakija niasuć najśviaciejšyja dary, charuhvy i ściahi. Na praciahu ŭsiaho šlachu ŭdzielniki molacca, padychodziać da čatyroch ałtaroŭ, u jakich začytvajuć uryŭki Jevanhiella.
Jak raskazaŭ pres-sakratar Minska-Mahiloŭskaj archidyjacezii ksiondz Juryj Sańko, u šeści mahli pryniać udzieł bolš za 5 tysiač čałaviek.
Nievialikaja płošča la Archikatedralnaha kaścioła nie zmahła źmiaścić usich achvotnych, tamu mnohija raźmiaścilisia na supraćlehłym baku — la budynka ratušy i aŭtobusnaha prypynku.
Ciapier čytajuć
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj4
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary