Vyzvaleny estoniec: U turmie ŭ Biełarusi da mianie stavilisia vielmi drenna. U XXI stahodździ nichto nie pavinien žyć u takich umovach
Hramadzianin Estonii Ałan Roja byŭ vyzvaleny ź biełaruskaj turmy dziakujučy dypłamatyčnym namahańniam ZŠA. Uviečary ŭ subotu, 21 červienia, jon prybyŭ u Estoniju. Jon prylacieŭ u Talin na viačernim rejsie z Chielsinki.
U Talinskim aeraporcie jaho sustreli blizkija, ministr zamiežnych spraŭ Marhus Cachkna, a taksama chutkaja dapamoha, daktary jakoj ahledzieli Roja z-za bolaŭ u śpinie, paviedamlaje Postimees.
Jon byŭ stomleny, ale rasčuleny da śloz. Roja znachodziŭsia ŭ źniavoleńni sa studzienia minułaha hoda. Biełaruski režym padazravaŭ jaho ŭ stvareńni ekstremisckaj arhanizacyi, i sud prysudziŭ jaho da šaści z pałovaj hadoŭ pazbaŭleńnia voli i štrafu amal 6000 jeŭra.
Roja patłumačyŭ, što jaho aryštavali ŭ Biełarusi paśla taho, jak jon stvaryŭ dabračynny fond dla padtrymki siemjaŭ, jakija byli niezadavoleny vynikami vybaraŭ u krainie.
«Miascovy dyktatar zahadaŭ pakinuć hetych ludziej biez pracy i bieź ježy», — raspavioŭ jon paśla prybyćcia ŭ Estoniju. Jon dadaŭ, što, pakolki sam źjaŭlajecca šmatdzietnym baćkam, a jaho žonka — hramadzianka Biełarusi, jon adčuvaŭ, što abaviazany dapamahčy hetym siemjam.
Na siońniašni dzień niekamiercyjnaja arhanizacyja MTÜ Fund of Belarusian Friends, stvoranaja ŭ vieraśni 2020 hoda, likvidavanaja.
«Ja zarehistravaŭ fond u Vialikabrytanii i ŭ Estonii. Brytanski fond pačaŭ dziejničać chutčej, i praź jaho ŭdałosia dapamahčy dastatkova mnohim», — adznačyŭ Roja.
Pierš čym biełaruskija ŭłady vyjšli na śled fondu, žonka Roja paśpieła paviedamić pra toje, što adbyvajecca, bankam. Rachunki byli zamarožanyja, i biełaruskija ŭłady nie zmahli atrymać da ich dostup.
⚡️Politzaklučiennyj iz Estonii o tiuŕmie v Biełarusi: ko mnie otnosiliś očień płocho
«Nam udałosia dapamahčy pieršym 140 siemjam, kab ich dzieci zmahli pajści ŭ škołu. Nakolki mnie viadoma — i da vialikaha niezadavalnieńnia biełaruskich uładaŭ — im nie ŭdałosia znajści nivodnaj siamji, jakoj my dapamahli», — raspavioŭ Roja. Jon dadaŭ, što ŭmovy, u jakich jaho ŭtrymlivali, byli biesčałaviečnyja.
«Znachodzicca za kratami — heta adno, ale z 2021 hoda ja faktyčna byŭ zakładnikam u Biełarusi. Da mianie stavilisia vielmi drenna. Chutčej za ŭsio, ja zrablu heta spravaj svajho žyćcia i raspaviadu pravaabarončym arhanizacyjam pra toje, u jakich umovach tam utrymlivajuć ludziej. U XXI stahodździ nichto nie pavinien žyć u takich umovach», — skazaŭ jon.
Roja asabista padziakavaŭ i ministru zamiežnych spraŭ Marhusu Cachknu. «Kali b nie vy, ja, vierahodna, da hetaha času byŭ by tam», — skazaŭ jon.
Pavodle słoŭ Cachkny, praca nad vyzvaleńniem hramadzianina Estonii viałasia amal paŭtara hoda. «U studzieni 2024 hoda my atrymali infarmacyju, što biełaruskija ŭłady zatrymali ŭ Minsku hramadzianina Estonii. Z tych časoŭ pasolstva i dypłamaty znachodzilisia ŭ pastajannym kantakcie z Roja i jaho siamjoj», — adznačyŭ ministr.
Ministerstva zamiežnych spraŭ Estonii nastojliva rekamienduje ŭstrymacca ad pajezdak u Biełaruś, a tych hramadzian Estonii, što znachodziacca tam časova, zaklikaje pierahledzieć nieabchodnaść znachodžańnia i pa mahčymaści viarnucca na radzimu.
Ciapier čytajuć
«Stajać na svaim, kožny nakolki moža!» Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii11
Kamientary