U Francyi padčas muzyčnaha fiestyvalu 145 čałaviek ukałoli šprycami
Padčas muzyčnaha fiestyvalu La Fête de la Musique, što adbyvaŭsia 21 červienia pa ŭsioj Francyi, 145 čałaviek paviedamili, što ich ukałoli šprycami. Ministerstva ŭnutranych spraŭ Francyi zajaviła, što stavicca da hetaha vielmi surjozna, piša Euronews.
Palicyja ŭžo zatrymała 12 padazravanych, a ŭ Paryžy zafiksavana 13 vypadkaŭ. Kala dziasiatka žančyn i niepaŭnaletnich dziaŭčat byli dastaŭlenyja ŭ balnicy, dzie im zrabili taksikałahičnyja analizy. Śledstva praciahvajecca.
Pakul nie paćvierdžana, ci vykarystoŭvalisia padčas ukołaŭ narkatyčnyja rečyvy, jakija mohuć pryvieści da straty kantrolu i zrabić achviar uraźlivymi da hvałtu.
Napiaredadni fiestyvalu ŭ sacsietkach źjavilisia zakliki kałoć žančyn i dziaŭčat šprycami, pra što papiaredžvali papularnyja błohiery.
U horadzie Miec byli zatrymanyja dvoje mužčyn. Mer horada paviedamiŭ, što 17 maładych dziaŭčat va ŭzroście ad 14 da 20 hadoŭ stali achviarami takich napadaŭ. Adnaho z padazravanych udałosia vyznačyć dziakujučy kamieram videanazirańnia, jaho zatrymała palicyja.
U cełym padčas fiestyvalu palicyja zatrymała bolš za 370 čałaviek. 14 čałaviek atrymali surjoznyja traŭmy, u tym liku 17-hadovy chłopiec, jakoha znajšli z nažavym ranieńniem.
Padobnyja vypadki z užyvańniem šprycaŭ užo zdaralisia ŭ Francyi raniej — naprykład, u 2022 hodzie, kali paviedamlałasia pra bolš za 400 incydentaŭ, u asnoŭnym z udziełam maładych žančyn. Padobnyja zdareńni adbyvalisia taksama ŭ Ispanii i Vialikabrytanii.
Chto toj nieadekvatny biełarus, jaki lasnuŭ dziciatka hałavoj ab padłohu ŭ maskoŭskim Šaramiećcievie8
Kamientary