Biełaruska sprabavała ŭvieźci z Turcyi čatyry čamadany lekaŭ «dla ŭłasnaha spažyvańnia»
Miedykamienty 38-hadovaja žančyna, jakaja prybyła ŭ Nacyjanalny aeraport «Minsk» avijarejsam «Stambuł — Minsk», spakavała ŭ čatyry valizki. Z takim bahažom jana sprabavała prajści praz «zialony kalidor», zajaviŭšy pra adsutnaść tavaraŭ, jakija padlahajuć abaviazkovamu piśmovamu dekłaravańniu.
Taki abjomny bahaž pryciahnuŭ uvahu mytnikaŭ, jany spynili žančynu i dahledzieli čamadany, vyjaviŭšy, što ŭ ich źmiaščałasia 120 kh lekavych srodkaŭ i injekcyjnych šprycaŭ.
Takaja partyja tavaraŭ padlahaje abaviazkovamu dekłaravańniu z padačaj usich nieabchodnych dla pieramiaščeńnia praź miažu dakumientaŭ. Adnak žančyna śćviardžała, što leki nabyła vyklučna dla asabistaha karystańnia, a z dakumientaŭ u jaje byli tolki vypiska pa najmieńniach i koštach niekatorych miedykamientaŭ. Pry hetym sa 170 pazicyj pieramiaščanych preparataŭ tolki 7 aficyjna zarehistravanyja ŭ Dziaržaŭnym rejestry lekavych srodkaŭ Respubliki Biełaruś.
U dačynieńni da biełaruski Minskaja rehijanalnaja mytnia pačała administracyjny praces pa č. 4 art. 15.5 KaAP Respubliki Biełaruś (niedekłaravańnie i padača niedakładnych źviestak ab tavarach u bujnym pamiery).
U adpaviednaści z sankcyjaj artykuła žančynie pahražaje štraf da 30% ad koštu pradmieta administracyjnaha pravaparušeńnia. Košt partyi lekavych srodkaŭ i injekcyjnych šprycaŭ skłaŭ 320 tys. rubloŭ.
Litoŭskaja mytnia čarhovy raz uskładniła ŭmovy dla tranzitu aŭto z ZŠA ŭ Biełaruś. Jakija aŭto ciapier mohuć zachrasnuć u porcie Kłajpiedy?
Minčanka raskazała, jak zmahła pravieźci ježu praź biełaruska-litoŭskuju miažu
Biełarus vioz praź miažu 13 tysiač kul
Mytny kamitet raskazaŭ pra kryminalnyja spravy praz sproby ŭjechać u punkty propusku pa-za čarhoj
Litoŭskaja mytnia ŭzmocnić kantrol na miažy ź Biełaruśsiu
Kamientary