«Abłapošyli na 1650 rubloŭ». Jak minčuku na prypynku hości z Rasii ŭciuchali fejkavy Apple Watch
Dźmitryj čakaŭ na prypynku aŭtobus, kali da jaho padyšli dva mužčyny, piša Onliner.by.
Asnoŭny dyjałoh vioŭ maładziejšy chłopiec jany ź siabram pryjechali ŭ Biełaruś, vypili i patracili ŭsie hrošy ŭ kazino. Ciapier treba viarnucca ŭ Astrachań, a ŭ ich niama ni kapiejki.
— Ja, viadoma, krychu ździviŭsia, chaciełasia dapamahčy adrazu, ale rastłumačyŭ, što jany nieznajomyja mnie ludzi i davieru ŭ mianie niama. Na što jon staŭ prapanoŭvać pakinuć pašpart u zakład, a razam ź im — darahija hadzińnik Apple Watch Ultra 2 i AirPods Pro — staŭ litaralna kłaści mnie ich u moj pakiet razam z pašpartam i čekami.
Dźmitryj sprabavaŭ admovicca i kazaŭ, što śpiašajecca na aŭtobus, ale chłopcy pačali cisnuć na pačućci.
— Na pytańnie, adkul u ich hadziniki i navušniki, chłopiec skazaŭ, što kupiŭ žoncy, źbiraŭsia padaryć, ale trapiŭ u takuju situacyju. Pašpart byŭ u chłopca rasijski, chutčej za ŭsio, padrobka. U vyniku ja ŭziaŭ hadzińnik i navušniki, addaŭ hrošy i pajechaŭ pa svaich spravach, ničoha nie padazrajučy. Pryjechaŭ dadomu i zrazumieŭ, što «papaŭ». Napisaŭ u hety ž viečar zajavu ŭ milicyju.
Mianie ašukali na 1650 rubloŭ, u jakaści zakładu pakinuli padroblenyja hadzińnik i navušniki i pradstavili pry hetym padroblenyja čeki.
Mužčyna padazraje, što hetyja chłopcy mahli padychodzić i da inšych ludziej na vulicy. Bolš za toje, jon śćviardžaje, što znajšoŭ u internecie dźvie abjavy pra prodaž Apple Watch z takim sieryjnym numaram.
— Źviazaŭsia z hetymi ludźmi, jany pradajuć hadzińniki pa canie aryhinała, pry hetym dakumientaŭ, čekaŭ i harantyjnych tałonaŭ u ich niama. Adzin čałaviek skazaŭ, što nibyta padaryli znajomyja z Rasii, ale pakolki hadzińnik nie patrebny, to vyrašyli ich pradać. Ja pryvioŭ arhumienty, što ŭ jaho padrobka. U vyniku abjavu jon nie źmianiŭ i nie vydaliŭ.
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier11
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier1
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu44
Kamientary