Śviet66

Italjanski matacyklist zrabiŭ sełfi ź miedźviedzianiom. Paśla hetaha jaho naśmierć razarvaŭ darosły miadźviedź

«Jak pryhoža. Jon nabližajecca da mianie», — źniaŭ mužčyna videa niezadoŭha da hetaha.

Fota tut i dalej: Omar Farang Zin / Facebook

U Rumynii miadźviedź naśmierć razarvaŭ matacyklista paśla taho, jak mužčyna zrabiŭ sełfi ź jaho dziciem.

49-hadovy italjanski turyst Amar Faran Zin jechaŭ na matacykle pa Karpackich harach u centralnym rehijonie Ardžeš, kali na jaho napaŭ miadźviedź i paciahnuŭ jaho cieła ŭ jar, piša Daily Mail.

Usiaho za dzień da trahičnaha incydentu matacyklist apublikavaŭ u Facebook sieryju fatahrafij bujnoha miadźviedzia, jaki staić vielmi blizka da Amara. Jon taksama padzialiŭsia sełfi, na jakim jon paziruje ź miedźviedzianiom.

Na asobnym videa, źniatym Amaram, vidać, jak jon jedzie na matacykle mima miadźviedzia, jaki prymaściŭsia na abočynie darohi. Čuvać, jak jon kaža pra miadźviedzia: «Jak pryhoža. Jon nabližajecca da mianie».

Pra zdareńnie paviedamili inšyja turysty. Amara nibyta bačyli, kali jon sprabavaŭ pakarmić miadźviedzia ŭ rajonie, dzie byli ŭstalavanyja znaki ab zabaronie na heta. Paśla palicyja znajšła cieła mužčyny.

Pa danych italjanskich ŚMI, Amar, amatar padarožžaŭ, niezadoŭha da svajoj śmierci pracavaŭ u miłanskim aeraporcie Malpiensa.

Kamientary6

  • Andruś
    05.07.2025
    Samaje žachlivaje, što miadźviedziaŭ, jakich karmili ludzi prychodzicca adstrelvać, bo jany pierastajuć bajacca čałavieka i pačynajuć sistemna zabivać inšych ludziej... :(

    Nikoli nie karmicie miadźviedziaŭ. Heta vielmi biezadkazna.
  • Na premiju Darvina
    05.07.2025
    chaciełasia b daminavać. Ale praz takich doŭbniaŭ źjaŭlajucca miadziedzi-ludajedy, ad jakich hinuć inšyja ludzi. Narmalny miadźviedź pavinien čałavieka abychodzić staranoj i bajacca, inakš u ich u hałavie ŭźnikaje źviazka čałaviek-biaśpieka-ježa. A lubiać jany nie tolki miod i malinu.
  • Na premiju Darvina
    05.07.2025
    Andruś , ja jašče pamiataju, jak u turystyčnych pachodach pa Ałtai i Sibiry ŭ nas zdaŭna było pryniata ŭsie abjedki spalvać, kali z łahiera zdymalisia, kab ničoha daliboh nie zastavałasia ad čałavieka ničoha łasaha. Kab nie pryvablivać miadźviedziaŭ na čałaviečuju ježu i nie padstaŭlać inšych -- technika biaśpieki, jakaja kryvioju pišacca.

Ciapier čytajuć

Jak hłabalnaja źmiena klimatu adabjecca na Biełarusi? Nie zusim tak, jak my ŭjaŭlajem2

Jak hłabalnaja źmiena klimatu adabjecca na Biełarusi? Nie zusim tak, jak my ŭjaŭlajem

Usie naviny →
Usie naviny

U paleskim Łahišynie hatovy da pracy padarunak Radasłava Sikorskaha

HUR paviedamiła pra źniščeńnie ŭčastka rasijskaha hazapravoda, jaki absłuhoŭvaŭ VPK

Pucin hatovy da paharšeńnia adnosin z Trampam i nie budzie spyniać vajnu11

«Kava stanie raskošaj». Biełarusy šakavanyja cenami ŭ kramach16

«Apantanaści hieapalitykaj, jak u Rasii, u nas siońnia niama». Historyk parazvažaŭ, ci pieražyvuć biełarusy «russkij mir»17

Rubia patłumačyŭ zajavu Trampa pra zbroju dla Ukrainy za košt NATA

«Horad pracoŭnaj słavy 1941—1945». U Baranavičach adkryli manumient ź dziŭnaj nazvaj9

U Biełarusi i Rasii raspracujuć štučny intelekt z tradycyjnymi kaštoŭnaściami4

Asudzili za «sadziejańnie ekstremizmu» byłoha dyrektara škoły

bolš čytanych navin
bolš łajkanych navin

Jak hłabalnaja źmiena klimatu adabjecca na Biełarusi? Nie zusim tak, jak my ŭjaŭlajem2

Jak hłabalnaja źmiena klimatu adabjecca na Biełarusi? Nie zusim tak, jak my ŭjaŭlajem

Hałoŭnaje
Usie naviny →

Zaŭvaha:

 

 

 

 

Zakryć Paviedamić