DAI papiaredziła biełaruskich kiroŭcaŭ pra štrafy za niapravilnaje vykarystańnie śviatła faraŭ. Pavodle pravił darožnaha ruchu, uklučać bližniaje śviatło abaviazkova ŭ ciomny čas sutak abo pry drennaj bačnaści. Adnak z dalnim śviatłom treba być aściarožnym — jaho dazvalajecca vykarystoŭvać tolki pa-za nasielenymi punktami.
Kali ŭklučyć dalniaje śviatło na aśvietlenaj darozie ŭ horadzie i nie pieraklučyć jaho na bližniaje, možna atrymać štraf. U 2025 hodzie za pieršaje parušeńnie pamier štrafu składaje ad 1 da 3 bazavych vieličyń (ad 42 da 126 rubloŭ). Pry paŭtornym parušeńni suma pavialičvajecca — ad 2 da 5 bazavych (ad 84 da 210 rubloŭ).
Taksama kiroŭca pavinien pieraklučać dalniaje śviatło na bližniaje nie mienš jak za 300 mietraŭ da sustrečnaj mašyny abo kali inšy kiroŭca sihnalizuje pra nieabchodnaść hetaha (pieraklučeńniem faraŭ abo «avaryjkaj»). Heta robicca dla taho, kab nie aślaplać inšych udzielnikaŭ ruchu.
Ciapier čytajuć
Kamientary
U nasielennvch punktach z šyldaju na biełym fonie musiš jechať ź bližnim na aśvietlenych vulicach. Tak i raniej było.
Ja ŭžo čytaŭ spadziavaŭsia, što ŭzialisia za supraćtumannyja, kali tumanu niama.
Supraćtumannyja nie skiravanyja ŭniz jak bližniaje śviatło, realna ślepiać sustrečnych.
A tak ničoha novaha.