U Baranavickim rajonie žychary skardziacca na kramu, u jakoj «niemahčyma patracić hrošy»
Žychary vioski Dobry Bor, što ŭ Baranavickim rajonie, źviarnulisia praz tyktok da miascovych uładaŭ z prośbaj vyrašyć prablemu ź sielskaj kramaj. Pavodle ich słoŭ, choć krama i pracuje, tam amal ničoha niama — palicy pustyja, nie znajści navat małaka, cukru i marožanaha, piša Telegraf.news.
Aŭtary zvarotu — siamja, jakaja žyvie ŭ vioscy ŭsio leta. Jany skardziacca, što vymušanyja jeździć za praduktami ŭ susiedniuju viosku za 5 kiłamientraŭ. Pry hetym u ich ułasnaj vioscy, dzie pastajanna žyvuć kala 65 čałaviek (pa danych na 2019 hod), jość krama, jakuju niadaŭna adramantavali i pryniali novuju pradavačku. Ale pracavać joj amal niama z čym — tavaraŭ nie zavoziać.
Žančyna ŭ videa vykazała zdahadku, što pastaŭki raźličvajucca tolki na kolkaść pastajanna zarehistravanych žycharoŭ, a nie ŭličvajecca, što letam u viosku pryjazdžaje šmat ludziej ź dziećmi, kab adpačyvać i tracić hrošy.
Siamja zaklikała rajpo i rajvykankam zabiaśpiečyć kramu nieabchodnymi tavarami i technična abstalavać jaje naležnym čynam — naprykład, zrabić pravodku, kab mahło pracavać niekalki chaładzilnikaŭ, a nie adzin, jak ciapier.
U kamientarach pad videa niekatoryja prapanoŭvali arhanizavać aŭtałaŭku, jak heta zrabili ŭ inšych vioskach. Inšyja kazali, što ŭtrymlivać kramu dla niekalkich čałaviek nierentabielna, i raili zakuplacca adrazu na tydzień u horadzie. Adnak takoje rašeńnie nie ŭličvaje intaresy piensijanieraŭ, jakija žyvuć u vioscy kruhły hod.
Mnohija ŭ kamientarach padtrymali siamju, adznačyŭšy, što prablema pustych kramaŭ aktualnaja dla mnohich biełaruskich viosak, navat z nasielnictvam 250—300 čałaviek.
Miascovyja ŭłady pakul situacyju nie kamientavali.
Darečy, u 2023 hodzie Alaksandr Łukašenka padpisaŭ ukaz №309 ab padtrymcy spažyvieckaj kaapieracyi, dzie, siarod inšaha, havaryłasia pra zakupku novaj techniki dla handlu — u tym liku dla pašyreńnia sietki aŭtałavak u biełaruskich vioskach ciaham dvuch hadoŭ.
Abrali kiraŭnika Biełkaapsajuza. Pryznačeńnie ŭzhadnili z Łukašenkam
Aŭtałaŭki ŭ vioskach mohuć źmianić svoj vyhlad — voś jak FOTY
«Jurka. Jajki, chleb, małako, kaŭbasa — 37 rub». Čamu ŭ biełaruskich vioskach kvitnieje handal «na veksal»?
«14 dzion biez aŭtałaŭki». Žychary vioski ŭ Rahačoŭskim rajonie pastavili miascovy rekord žyćcia ŭ izalacyi
«Kamfort arhanizavać možna taki ž samy, što i ŭ horadzie». Try historyi pra toje, jak žyvuć u vioskach uzimku byłyja haradžanie
Ciapier čytajuć
Knyrovič raskazaŭ, čamu były dyrektar aršanskich zavodaŭ paśla vyzvaleńnia pajšoŭ vajavać za Rasiju, dzie i zahinuŭ2
Kamientary