Śpiavačku Meryjem Hierasimienka na praciahu dvuch hadoŭ źbivaŭ muž
«Jon złamaŭ mnie nos paśla taho, jak ja skazała, što kančatkova padaju na razvod».
Śpiavačka Meryjem Hierasimienka raskazała ŭ instahramie, što na praciahu dvuch hadoŭ jaje źbivaŭ muž.
«Luty… Jon pryraŭnavaŭ, što ŭ lipieni ja paprasiła našaha znajomaha padvieźci mianie da bara («Banki-butyłki» tady), pakolki my žyviem pobač. Naturalna paśla jon vielmi vybačaŭsia», — piša śpiavačka.
Niejki čas tamu jany z mužam razyšlisia i žyli asobna čatyry miesiacy.
«Ale ja jaho viarnuła ŭ mai, bo jon trapiŭ u tatalnuju biadu, i bieź mianie jak žonki ŭ Polščy jamu b nichto nie dapamoh. Ja skončyła adpačynak na Majorcy na tydzień raniej i pryjechała», — dzielicca Meryjem.
Jana publikuje svaje raniejšyja fota paśla źbićcia.
Padzialicca hetaj historyjaj jana rašyła paśla taho, jak muž złamaŭ joj nos.
«Jon złamaŭ mnie nos paśla taho, jak ja skazała, što kančatkova padaju na razvod i bolš być razam nie baču sensu i nie chaču», — piša śpiavačka i pakazvaje ŭ videa, što ciapier na nosie ŭ jaje paviazka.
4 krasavika 2024 hoda Meryjem pabrałasia šlubam z Antonam. Mužčyna — hramadzianin Rasii, ale ź dzieviacihadovaha ŭzrostu žyŭ u Biełarusi. Jon byŭ departavany za admovu ad dačy pakazańniaŭ na Meryjem. Ź leta minułaha hoda para žyła ŭ Varšavie.
Praz hod, u krasaviku 2025 hoda, Meryjem ščyra raskazała pra razychod z mužam.
«Usie dumali, što heta niejkaja idealnaja historyja kachańnia, jakaja prajšła ŭsie abstaviny emihracyi. Davajcie budziem ščyrymi (my ŭžo darosłyja z vami dziaŭčynki i chłopčyki): ničoha nie byvaje idealnym. Emihracyja vielmi mocna bje pa mientałcy. Kamuści ciažej, kamuści składaniej. Tak, my zaraz nie razam, [ale] my ŭ vydatnych adnosinach», — dzialiłasia jana.
Śpiavačka Meryjem Hierasimienka ščyra raskazała pra razychod z mužam praz hod paśla viasiella
«Pratasievičam ja nie budu». Śpiavačka Meryjem u SIZA dała intervju Ksienii Lebiedzievaj — ale jaho tak i nie pakazali
Śpiavačku Meryjem zatrymlivali hubazikaŭcy. «Paśla maimi kartkami raspłačvalisia dva miesiacy — amal 900 jeŭra»
Ciapier čytajuć
Biełaruska za svoj košt arhanizavała śviata ŭ rodnaj vioscy, jakaja amal vymierła. Pryjechali adnaviaskoŭcy navat ź Jeŭrasajuza8
Biełaruska za svoj košt arhanizavała śviata ŭ rodnaj vioscy, jakaja amal vymierła. Pryjechali adnaviaskoŭcy navat ź Jeŭrasajuza
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary
Tabie złamali nos, a jamu los!