Pres‑sakratar prezidenta Rasii prakamientavaŭ praviadzieńnie ŭ Estonii pieršych bajavych strelbaŭ reaktyŭnych sistem załpavaha ahniu HIMARS, piša Rasijskaja słužba Radyjo Svaboda.
«Bałtyka dziakujučy ahresiŭnaj palitycy prybiarežnych dziaržaŭ Jeŭropy — rehijon, dzie panuje napružanaść. Rasija maje namier ćviorda adstojvać svaje zakonnyja intaresy ŭ hetym rehijonie. Rasija — heta Bałtyjskaja dziaržava. Toje, što mnohija krainy zajmajucca tam pravakacyjnymi dziejańniami, — heta taksama źjaŭlajecca vidavočnaj realnaściu», — skazaŭ Piaskoŭ.
Strelby ŭ Estonii, za trysta kiłamietraŭ ad Pieciarburha, byli praviedzieny 11 lipienia.
«Paśla čatyroch miesiacaŭ vučeńniaŭ estonskija vojski ŭ piatnicu praviali pieršyja ŭ krainie bajavyja streły rakietami HIMARS. Pavodle danych Sił abarony Estonii (EDF), kožnaja rakieta paraziła nizkamaštabnuju cel na adlehłaści da 15 kiłamietraŭ u mory», — havorycca ŭ paviedamleńni estonskaj teleradyjoviaščalnaj kampanii ERR. Ministerstva abarony Estonii nazvała strelby «histaryčnaj padziejaj».
Kamientary