U 2025 hodzie rasijskija vojski zachapili terytoryju Ukrainy pamieram ź Luksiemburh
Pavodle acenak ukrainskich i rasijskich vajennych błohieraŭ, armija RF zaniała z pačatku hoda 2395 kvadratnych kiłamietraŭ ukrainskaj terytoryi. Heta amal adpaviadaje płoščy Luksiemburha (2586 kv. km), abo Vilejskaha rajona (2435 kv km), adznačaje Bild.
Dla paraŭnańnia — u 2024 hodzie rasijskija vojski zachapili 3388 kv. km. Heta aznačaje, što ich prasoŭvańnie paskarajecca. Kali tendencyja zachavajecca, to da kanca hetaha hoda Ukraina stracić bolš za 4 tysiačy kv. km.
Tolki ŭ červieni Uzbrojenyja siły Ukrainy pakinuli dva dziasiatki viosak. Z-za niedachopu žyvoj siły ŭkrainskaje kamandavańnie vydzialaje na abaronu małych nasielenych punktaŭ pa 5—10 čałaviek, u toj čas jak rasijskija atrady, što nastupajuć na ich, kolkaściu pa 20—50 sałdat.
Navat kali jany stračvajuć pałovu nastupajučych zabitymi i paranienymi, astatnija dabirajucca da mety i zachoplivajuć pazicyi USU.
Kamientary