U niadzielu ŭ centry Minska buduć prymać płastykavyja butelki ŭ abmien na suvieniry
U niadzielu 20 lipienia ŭ prastory Lidbeer Dvor na vuł. Hikała, 5 adbudziecca ekałahičnaja akcyja «Płastyk — nie śmiećcie, a resurs. Abiary pierapracoŭku!», paviedamlaje Blizko.by.
Prymać buduć butelki z-pad napojaŭ abjomam ad 0,33 da 2 litraŭ, prazrystyja i kalarovyja, a taksama biełuju małočnuju taru. Kab było zručna, prosiać pluščyć butelki. Butelki z-pad bytavoj chimii, kaśmietyki, alejaŭ i da h.d. prymacca nie buduć.
U abmien na butelki možna atrymać suvieniry:
- 10 butelek — ekaasadka
- 15 butelek — nabor dla vyroščvańnia zielaniny
- 20 butelek — ekašopier
Abmien budzie praciahvacca da 19:00. Paśla taho, jak sabrany płastyk pojdzie na pierapracoŭku, Lidbeer Dvor upryhožać kvietačnicami z druhasnych materyjałaŭ.
Akramia zboru butelek, haściej čakajuć i inšyja aktyŭnaści. Hladzicie raskład u afišy.
Kamientary