U adnym ź minskich supiermarkietaŭ zaŭvažyli niezvyčajny pradukt — aliŭkavy alej, košt jakoha ŭ pieraliku na litr dasiahaje amal 1000 rubloŭ, piša Tochka.by.
Nievialikaja butelečka abjomam 40 mł pradajecca za 37,99 rubla. Kali pieraličyć canu na litr, to atrymlivajecca bolš za 949 rubloŭ, što i vyklikała ździŭleńnie pakupnikoŭ.
Pavodle infarmacyi na ŭpakoŭcy, u skład pradukta ŭvachodzić 88% aliŭkavaha aleju chałodnaha adciskańnia, a taksama časnok i pierac čyli. Pradukt nastojeny na hetych śpiecyjach, pry hetym paznačana, što ŭ im mohuć być ślady arachisu. Nijakich asabliva darahich abo redkich inhredyjentaŭ u składzie niama.
Vyrableny alej u Italii, a pastaŭlajecca jon jak u Biełaruś, tak i ŭ Rasiju.
Miarkujecca, što vysokaja cana źviazanaja pieradusim z aryhinalnaj taraj: butelečka zroblenaja ŭ formie žanočaha tuflika na abcasie, što robić pradukt chutčej suvienirnym, čym zvyčajnym charčovym tavaram.
Kamientary