U Italii 78-hadovy mužčyna «ažyŭ» praz 30 chvilin paśla spynieńnia serca
U Italii 78-hadovy mužčyna cudam viarnuŭsia da žyćcia praz paŭhadziny paśla taho, jak u jaho dvojčy spyniłasia serca. Incydent adbyŭsia ŭ kurortnym rajonie Maryna Vielka, što ŭ pravincyi Viterba. Mužčyna, jaki maje livijskaje pachodžańnie, ale žyvie ŭ Italii, straciŭ prytomnaść na vulicy, piša vydańnie La Reppublica.
Miedyki vyjavili ŭ mužčyny infarkt i dva paśladoŭnyja spynieńni serca. Reanimacyja praciahvałasia bolš za 30 chvilin. Navat vyklikali viertalot, kab terminova advieźci jaho ŭ balnicu. Ale kali vyratavać paciarpiełaha nie ŭdałosia, to reanimacyju spynili i aficyjna abviaścili pra śmierć.
Čałavieka pakinuli ŭ mašynie chutkaj dapamohi ŭ čakańni pachavalnaj słužby. Ale praz kala 30 chvilin jon raptam raspluščyŭ vočy, zahavaryŭ i paprasiŭ patelefanavać svaim dočkam.
Jaho dastavili ŭ balnicu razam z palicejskim, jakoha pa darozie ŭkusiŭ sabaka paciarpiełaha. Ciapier stan mužčyny stabilny.
Lekary miarkujuć, što mahčyma, ź im adbyŭsia redki fienomien — tak zvany «sindrom Łazara». Heta kali paśla spynieńnia reanimacyi čałaviečaje serca raptam znoŭ pačynaje bicca.
Upieršyniu hety fienomien byŭ apisany ŭ 1982 hodzie i nazvany ŭ honar biblejskaha Łazara, jakoha ŭvaskrasiŭ Isus Chrystos. Takija vypadki nadzvyčaj redkija i mohuć być źviazanyja ź dziejańniem niekatorych miedykamientaŭ.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary