Biełarusa ŭ Polščy aštrafavali za ahresiŭnyja pavodziny ŭ aeraporcie
Pasažyr rejsa z tureckaj Antalji ŭ polskuju Zialonuju Huru pavodziŭ siabie na bojcie vielmi niedyscyplinavana. Hramadzianin Biełarusi ihnaravaŭ zahady ekipaža padčas palotu, a paśla pryziamleńnia ŭ aeraporcie Zialonaj Hury akazaŭ supraciŭ supracoŭnikam Pahraničnaj słužby.
17 lipienia śpiecyjalnaja hrupa pamiežnikaŭ była vyklikanaja na bort, dzie mužčyna spaŭ i admaŭlaŭsia pakinuć samalot. Jany prymianili siłavyja miery, kab vyvieści jaho. Na lotnym poli pasažyr staŭ ahresiŭnym i supraciŭlaŭsia, tamu na jaho nadzieli kajdanki. Za takija pavodziny jon atrymaŭ štraf u pamiery 500 złotych (kala 125 dalaraŭ).
Incydent adbyŭsia na fonie pačatku kampanii polskaha Upraŭleńnia hramadzianskaj avijacyi razam z Pamiežnaj vartaj pad nazvaj «Uklučy režym pasažyra z kłasam». Jana nakiravana na toje, kab pavysić infarmavanaść pasažyraŭ pra nastupstvy drennych pavodzinaŭ, zaachvočvać vietlivaść i adkaznaść u samalotach i skaračać kolkaść incydentaŭ, što pahražajuć biaśpiecy i kamfortu padčas palotaŭ.
Da «Dnia narodnaha adzinstva» pamiłavali 25 čałaviek4
Kamientary