Padmurak kolišniaha chrama byŭ znojdzieny pry rekanstrukcyi mosta imia Jašyna na Puškinskim praśpiekcie ŭ 2016 hodzie. U hetuju niadzielu da miesca byłoha chrama byŭ ździejśnieny chrosny chod i zakładzienaja kapsuła z hramataj, jakaja padpisana archijepiskapam Mahiloŭskim i Mścisłaŭskim Safronijem i staršynioj Mahiloŭskaha harvykankama Siarhiejem Čartkovym. Safronij pravioŭ malebien Praśviatoj Trojcy ŭ honar adradžeńnia śviatyni, piša «Źviazda».
Hety chram byŭ zakładzieny ŭ 1792 hodzie pa błasłavieńni archijepiskapa Mahiloŭskaha Hieorhija Kaniskaha. Jość mierkavańnie, što kultavy budynak byŭ aśviečany ŭ prysutnaści rasijskaha impieratara Alaksandra I u 1810 hodzie.
Padčas Druhoj suśvietnaj vajny carkva atrymała paškodžańni, a ŭ 1950-ja hady pry budaŭnictvie mosta praz Dniapro była kančatkova razburanaja.
U 2016 hodzie znojdzienyja elemienty padmurka chrama byli muziejefikavanyja i ŭklučanyja ŭ turystyčny maršrut.
«Heta adzin z paznavalnych simvałaŭ Mahilova, — kaža miascovy krajaznaŭca Alaksandr Biełachvostaŭ. — Jon zachavaŭsia na malunkach viadomaha mastaka Napaleona Ordy, a taksama na papularnych u turystaŭ paštoŭkach, zroblenych z efiektam hraviury. Isnuje infarmacyja, što archiŭ carkoŭna-prychodskich knih Trajeckaj carkvy, jaki znachodzicca ŭ Nacyjanalnym archivie Respubliki Biełaruś, samy vialiki ŭ paraŭnańni ź inšymi cerkvami Mahilova».
Pa słovach Alaksandra Biełachvostava, eskizny prajekt adnaŭleńnia carkvy ŭžo jość, znajšli nibyta i sponsaraŭ, jakija žadajuć u hetym udzielničać.
Na Brestčynie zamiest adnaŭleńnia kaścioła ŭ majontku Ažeškaŭ šukajuć tych, chto dapamoža pazbavić jaho achoŭnaha statusu
U Mahilovie paśla prapahandysckaj kampanii za budaŭnictva carkvy ŭ achoŭnaj zonie lesaparku vyjaviłasia, što budavać jaje nielha
«Chram — heta i balnica, i škoła!» U Mahilovie sabrali sotni podpisaŭ suprać budaŭnictva carkvy ŭ Piačerskim lesaparku
U Žyrovicach daščentu raźbirajuć baročnuju carkvu XVIII stahodździa
Pad Mahilovam znosiać niedabudavany chram, jaki abaraniali rasijskija čarnasociency
Raźviedka ZŠA: Biełaruś stała pieradavym vajskovym płacdarmam Rasii24
Kamientary