Ciapierašnija maładyja ŭ čatyry razy čaściej chvarejuć na rak adnaho miesca. A mahli b abierahčysia
U ludziej, narodžanych u 1990-ja, udvaja bolšaja ryzyka zachvareć na rak toŭstaj kiški i ŭ čatyry razy bolšaja ryzyka raku pramoj kiški, čym u dziaciej 1950-ch. Daśledavańnie vyjaviła, čamu heta tak i što možna z hetym zrabić.
U pieryjad z 2010 pa 2019 hod kolkaść vypadkaŭ raku straŭnikava-kišečnaha traktu vyrasła na 14,8%. Rak pramoj kiški ciapier zajmaje pieršaje miesca siarod pryčyn śmierci ad raku ŭ mužčyn va ŭzroście da 50 hadoŭ i druhoje miesca — u žančyn hetaj uzrostavaj hrupy. Bolšaść takich vidaŭ raku nie źviazanyja z atrymanymi ŭ spadčynu hienietyčnymi parušeńniami, piša Study Finds.
U amierykancaŭ, jakija naradzilisia ŭ 1990-m, ryzyka zachvareć na rak pramoj kiški ŭ čatyry razy vyšejšaja, a raku toŭstaj kiški — udvaja vyšejšaja, čym u tych, chto naradziŭsia ŭ 1950-m. Rak toŭstaj kiški z 2000 pa 2017 staŭ vyjaŭlacca na 40% čaściej siarod amierykancaŭ, maładziejšych za 50 hadoŭ (8,4 vypadkaŭ na 100 tysiač čałaviek suprać 5,9). Značna pavialičylisia vypadki rańniaha źjaŭleńnia i inšych vidaŭ raku, źviazanych sa stravavalnym traktam — padstraŭnikavaj załozy, straŭnika i stravavoda.
Daśledčyki vyjavili, što na heta ŭpłyvaje niekalki klučavych faktaraŭ. Najmacniejšy faktar ryzyki — atłuścieńnie. U ludziej, u jakich indeks masy cieła vyšejšy za 30, ryzyka rańniaha kołarektalnaha raku ŭdvaja vyšejšaja.
Važnyja i charčavańnie dy ład žyćcia, pišuć jany. Na zachadzie jaduć zašmat čyrvonaha miasa, pierapracavanych praduktaŭ, biełych bułak i bułačak i pjuć sałodkija haziroŭki. U toj čas spažyvańnie sadaviny i harodniny zastajecca davoli nizkim, što pavyšaje ryzyku ŭźniknieńnia raku. Ałkahol i kureńnie taksama mocna ŭpłyvajuć na ryzyku kołarektalnaha raku. Upłyvaje na jaho i małaruchomy ład žyćcia.
Jašče adzin faktar ryzyki — nieałkaholnaja tłuščavaja chvaroba piečani. Hetaje zachvorvańnie majuć užo kala 25% darosłych pa ŭsim śviecie, i chvaroba raspaŭsiudžvajecca. Źviazana heta najpierš z charčavańniem i rostam atłuścieńnia.
Sistemy achovy zdaroŭja ŭ ZŠA sprabujuć da hetaha adaptavacca. Adnak, zaznačajuć aŭtary, pry zachavańni ciapierašniaj tendencyi novaje pakaleńnie niepaźbiežna budzie chvareć na kołarektalny rak jašče bolš i sutykniecca z vyklikami, jakich raniej nie isnavała.
«Naša Niva» — bastyjon biełaruščyny
PADTRYMAĆCiapier čytajuć
U Minsku budujuć novaje «Akreścina» ŭ hłuchoj pramzonie. A što budzie sa starym?7
Kamientary
Šmat praz kišečnik praciakaje roznaj chimii.
Tamu rak.
Ale taja chimija trochi ratuje ad inšych chvarob.
Tamu nie ŭsio tak adnaznačna.