Cichanoŭski raskazaŭ, što adbyvałasia na Vaładarcy 9 žniŭnia 2020 hoda
« Ja dumaŭ, što ŭsio, zaraz uvarvucca nas vyzvalać», — zhadaŭ jon u efiry «Biełsata».
9 žniŭnia 2020 hoda Siarhiej Cichanoŭski znachodziŭsia ŭ SIZA na Vaładarskaha.
«Pamiataju, u 9 viečara byŭ adboj. I trochi paźniej, bližej da 11-ci [stali čutny] kryki niejkija, uzryvy. Ludzi za dźviaryma. Milicyjaniery. Čuŭ ich razmovy. Im vydali zbroju. To-bok, čałaviek stajaŭ ź pistaletam kala majoj kamiery. Nie viedaju, supała tak ci nie, što jon kala majoj kamiery stajaŭ. Jany byli vielmi napužanyja», —
zhadaŭ Siarhiej Cichanoŭski padziei piacihadovaj daŭniny ŭ efiry telekanała «Biełsat».
Pa słovach byłoha palitviaźnia, u toj viečar jon čuŭ razmovu kanvairaŭ, jakaja dała jamu nadzieju na vyzvaleńnie:
«Dziaŭčyna-kanvair pytałasia: «A što zdaryłasia?» Havorać: «Prarvali». «A što prarvali? Dzie prarvali?». «Usiudy». Ja dumaŭ, što ŭsio, zaraz uvarvucca nas vyzvalać».
Cichanoŭski adznačaje, što prykładna da hadziny nočy «ŭsio całkam supakoiłasia» i kanvairam pa racyi skazali zdać pistalety.
Pra vyjezd žonki, pa słovach Siarhieja, jon daviedaŭsia ad svaich advakataŭ.
«Mnie raskazali, što i jak adbyłosia. Što Śviatłana pajšła padavać skarhu ŭ CVK razam z advakatam, pa-mojmu, z [Maksimam] Znakam. I ŭsio. Jana z hetaha CVK užo nie viarnułasia. Jaje čakali žurnalisty. Ź inšaha ŭvachodu [jaje] niekudy vykinuli i ŭsio».
Što tyčycca Andreja Paŭlučenki, jaki pieradaŭ hrošy Śviatłanie, to Cichanoŭski zhadvaje, što pryniaŭ jaho za sumnaviadomaha pałkoŭnika Dźmitryja Paŭličenku:
«Ja Łukašenku ŭ SIZA KDB kažu: «I vy što, hetuju poskudź Paŭličenka adpravili da majoj žonki?» A Łukašenka, viedajecie, što skazaŭ? «Nie, heta inšy». Jon taksama razumieje, pra što havorka…»
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary
I na Płoščy 2010 byŭ, tam byŭ, dzie Nieklajeŭ. Ale, potym u Krym - norm, bo nie cikaviŭsia. Dziŭna niejak