Siamja, jakaja pierajechała z Aŭstryi ŭ viosku pad Słuckam, viartajecca nazad
Niekalki hadoŭ tamu Hanna i Patryk ź dziećmi vyrašyli pakinuć žyćcio ŭ Aŭstryi i pačać usio z nula ŭ Biełarusi. Pierajezd u biełaruskuju viosku staŭ sprobaj vybrać «prostaje, spakojnaje žyćcio», piša Slutsk.gorod.
Adnoj z pryčyn pierajezdu z Aŭstryi stała niazhoda z tym, što adbyvałasia ŭ sistemie adukacyi i miedycynie Aŭstryi. U škołach usio čaściej zakranali temy ŁHBT, abmiarkoŭvali zakon, pavodle jakoha baćkoŭ i nastaŭnikaŭ mahli b štrafavać za niazhodu z takoj pazicyjaj. Chacia zakon nie pryniali, pačućcio cisku zastałosia. Siamja chacieła vychoŭvać dziaciej pa svaich pierakanańniach biez strachu i kantrolu.
Akramia taho, paśla kavidnych abmiežavańniaŭ i ahulnaj napruhi ŭ hramadstvie i ekanomicy jany pačali šukać krainu, dzie možna było b siabie adčuvać svabodniej.
Novaje žyćcio ŭ Aharodnikach
Siamja pasialiłasia ŭ vioscy Aharodniki pad Słuckam. Nabyli stary dom i całkam jaho pierabudavali: uźviali mansardu, prybudavali vierandu, rekanstrujavali pieč, praviali ciopłyja padłohi i novuju elektryku. Ad staroha budynka litaralna zastalisia tolki ścieny.
«My płanavali prosta abnavić interjer, ale, padniaŭšy padłohu, znajšli nasiakomych. Daviałosia rabić usio z nula. Tak źjaviŭsia naš novy, ciopły i śvietły dom», — raskazvaje Hanna.
Na ŭčastku ŭ 20 sotak — sad, aharod, ciaplica i novy haraž. Unutry — 7 žyłych pakojaŭ, sučasny vanny pakoj, utulnaja haścioŭnia z kaminam, mebla z palisandru — šmat čaho siamja hatovaja pakinuć novym uładalnikam.
Ciažkaści, ź jakimi sutyknulisia
Pierajezd akazaŭsia nie tolki duchoŭnym, ale i fizičnym vyprabavańniem. Abstalavańnie pobytu patrabavała vialikich układańniaŭ, a dachody byli niestabilnyja.
Hanna ŭładkavałasia miedsiastroj na paŭstaŭki ŭ miascovuju sacsłužbu — heta dapamahło joj atrymać dazvoł na žycharstva i pieravieźci asabistyja rečy biez razmytnioŭki.
Paralelna jana hatavała i pradavała na imprezach viehanskija desierty, ale pieratvaryć heta ŭ stabilny dachod nie ŭdałosia.
Patryk, nie vałodajučy movaj, nie znajšoŭ adpaviednuju pracu: byli tolki varyjanty na budaŭnictvie ci ŭ taksi. Pry hetym treba było dabudavać dom i dahladać dźviuch dačok (2,5 i 7,5 hoda) — heta stała surjoznaj pieraškodaj.
Dadajecca i niedachop praduktaŭ: viehanskaje charčavańnie vyjaviłasia praktyčna niedastupnym u rehijonie.
Kančatkovy šturšok da rašeńnia
Finalnaje rašeńnie siamja pryniała, kali babuli Patryka, jakaja zastałasia adna paśla śmierci muža, staŭ patrabavacca dohlad. Było prapanavana abjadnać vysiłki: pradać abodva damy i kupić sumiesny ŭ Hiermanii. Tam babula atrymaje padtrymku, a siamja — stabilnaść.
«My razumiejem, što ŭ Hiermanii taksama jość ciažkaści — ekanamičny spad, mihranty. Tamu my płanujem pierajechać u hłuchi kut, kupić dom i znoŭ zaniacca ramontam. Nam važna być pobač ź blizkimi», — kaža Hanna.
Što zastajecca paśla
Niahledziačy na ŭsie ciažkaści, Biełaruś pakinuła ŭ siamji ciopłyja ŭspaminy: udzieł u miascovych śviatach, słavianskija tradycyi, siabroŭstva i ščaście dziaciej.
«Kali ja zrazumieła, što daviadziecca źjazdžać, ja płakała. Častka dušy zastaniecca tut. Heta miesca sapraŭdy darahoje sercu», — dadaje žančyna.
Ciapier dom pradajecca: ahulnaja płošča — 210 m², žyłaja — 140 m². Siamja hatovaja pakinuć častku mebli. Padrabiaznaści možna ŭdakładnić va ŭładalnikaŭ.
Rytu Dakotu abvinavacili, što jana terminova raspradała nieruchomaść u Rasii amal na $2 miljony. Jana adkazała8
Kamientary
Vsio rovno tožie samoje oni mohli najti nikuda nie ujezžaja.. tolko ŁUČŠIE i s mieńšimi problemami.
milliony miečtajut osiesť v Avstrii, no vsiehda najdietsia paročka miečtajuŝich ujechať iz-za svoich nieviernych priedstavlenijach o mirie.
Razmova na miažy:
-kakaja ciel vašieho prijezda pośle 5 let otsutstvija v RB?
-chaču nabyć chatu?
-otkuda vy uznali, čto prodajetsia dom?
-u NN abjava była.
- hraždanin, otojditie v storonu i žditie.